२८ असोज, विराटनगर ।
यसवर्षको घटस्थापनादेखि कोजाग्रत पुर्णिमासम्म मोरङमा ११ जनाले आत्महत्या गरेका छन् । त्यसैगरी १५ जनाले विष सेवन गरी आत्महत्याको प्रयास गरेका छन् । सोमबार जिल्ला प्रहरी कार्यालय मोरङमा दशैँको समयमा मोरङ जिल्लामा भएका विभिन्न गतिविधिहरु सार्वजनिक गर्दै प्रहरी उपरीक्षक विश्व अधिकारीले अधिकांशको आत्महत्याको कारण फ्रस्टेशन रहेको खुलेका बताए ।
त्यस्तै दशैँको अवधिमा मोरङमा सानाठूला गरी ५५ दुर्घटना भएका छन् ।जसमा ६ जनाको मृत्यु भएको छ भने ९१ जना घाईते भएको अधिकारीले जानकारी दिए । त्यसैगरी विराटनगरको मुनालपथमा ठूलो चोरी त्यसबाहेकका ७ वटा चोरीका घटना भएको, मापसेमा ६० वटा कारबाही भएको, विशेष सुरक्षा अन्तर्गत २ सय ३७ जना प्रहरीको स्क्रिनिङमा परेको, ४ सय ४२ लिटर घरेलु मदिरा बरामद भएको, १२ बन्डल पटाका बरामद भएको तथा ८ लाख ८५ हजार रुपैँया बराबरको भन्सार छलीको समान बरामद गरेको प्रहरीले जनाएको छ ।
प्रहरीले यसबीचमा २ हजार २७ लाई जनालाई ट्राफिक नियम उल्लंघन गरेबापत कारबाही गरेको छ भने जसबाट ११ लाख ३३ हजार राजश्व संकलन भएको छ ।
