२८ असोज, विराटनगर ।
मोरङको बेलबारीबाट अवैध घरेलु मदिरा बनाउने कच्चा पदार्थ प्रहरीले बरामद गरेको छ ।
मंगलबार बिहान बेलबारी–४ स्थित यलम्बर चौकमा ईलाका प्रहरी कार्यालय कार्यालय बेलबारीबाट खटिई गएको मोवायल टोलीले शंका लागी चेकजाँच गर्ने क्रममा को २ ह ४३२३ र को १ ह ८९४५ नम्बरको अटोमा तीन लाख रुपैँया बराबरको अवैध घरेलु मदिरा बनाउने कच्चा पदार्थ फेला परेको थियो ।
फेला पारेको सो कच्चा पदार्थ बरामद गरी आवश्यक कारवाहीको लागि आन्तरिक राजश्व कार्यालय विराटनगरमा बुझाईएको जिल्ला प्रहरी कार्यालय मोरङले जनाएको छ ।
