८ कार्तिक, रुकुम । रुकुम पश्चिममा ट्रयाक्टर दुर्घटना हुँदा २ जनाको ज्यान गएको छ । चौरजहारी नगरपालिकाबाट सानीभेरी गाउँपालिकातर्फ आउँदै गरेको भे १ त ५१०७ नम्बरको ट्रयाक्टर दुर्घटना हुँदा दुई जनाको ज्यान गएको प्रहरीले जनाएको छ ।
जिल्ला प्रहरी कार्यालय रुकुम पश्चिमका अनुसार, बिहीबार बेलुकी साढे सात बजेतिर चौरजहारी नगरपालिका–९, सल्यानीपधेरामा भएको दुर्घटनामा सानीभेरी गाउँपालिका–१, का २२ वर्षीय ट्रयाक्टर चालक महेन्द्र विक र २७ वर्षीय चन्द्रबहादुर विकको मृत्यु भएको हो ।
दुवै जनाको घटनास्थलमै ज्यान गएको जिल्ला प्रहरी प्रमुख प्रहरी नायब उपरीक्षक(डीएसपी) सुमित खड्काले जानकारी दिए । रक्सी पिएर ट्रयाक्टर चलाएका कारण दुर्घटना भएको डीएसपी खड्काले बताए । ट्रयाक्टर मध्यपहाडी लोकमार्गबाट झण्डै २० मिटर तल खसेको जनाइएको छ ।
