१५ कात्तिक, एजेन्सी ।
तीन महिने प्रतिबन्धपछि कप्तान लियोनेल मेस्सी अर्जेन्टिनी राष्ट्रिय टोलीमा समावेश भएका छन् ।
गत जुलाईमा कोपा अमेरिका कपबारे विवादित अभिव्यक्ति दिएपछि मेस्सी अन्तर्राष्ट्रिय फुटबलबाट तीन महिनाका लागि प्रतिवन्धमा परेका थिए । अर्को महिना ब्राजिल र उरुग्वेविरुद्ध हुने मैत्रीपूर्ण खेलको लागि मेस्सी टिममा परेका हुन् ।
कोपा अमेरिका कपमा भ्रष्टाचार भएको आरोप लगाउँदै मेस्सीले त्यसको भागिदार आफ्नो टिम नहुने बताएका थिए । प्रतिबन्धमा परेपछि मेस्सीले अर्जेन्टिनाबाट चार खेल गुमाएका थिए । अर्जेन्टिनाले १५ नोभेम्वरमा साउदी अरवमा ब्राजिलसँग मैत्रीपुर्ण खेल खेल्दैछ ।
