२५ कात्तिक, काठमाडौं ।
भारतसँगको सीमा विवादको बारेमा छलफल गर्न बोलाईएको संघीय संसदको राज्य व्यवस्था तथा सुशासन समितिको बैठकमा प्रधानमन्त्री उपस्थित हुन सकेनन्।सिमा विवादबारे छलफल गर्न प्रधानमन्त्रीलाई बोलाईए पनि स्वास्थ्यका कारण बैठकमा उपस्थित हुन नसकेका हुन्। समितीको बैठक ११ बजेदेखि सुरु भएको छ ।
बैठकमा प्रधानमन्त्रीको तर्फबाट भूमि व्यवस्था तथा गरिबी निवारण मन्त्रीमा पद्मा अर्याल उपस्थित भएकी छन्। उनले स्वास्थ्यका कारण बैठकमा प्रधानमन्त्री उपस्थित हुन नसकेको बताइन् । त्यस्तै सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ’प्रचण्ड’ दोस्रो पटक समितिको बैठकमा उपस्थित भएका छन्।
सीमा मिचिएको विषयमा चारैतिर चर्चा भएपछि संसदीय समितिले पनि यसमाथि चासो लिएको छ। यसअघि प्रधानमन्त्री ओलीले सर्वदलीय, सर्वपक्षीय बैठक बोलाएर यो विषयमा छलफल गरिसकेका छन्। शनिबार बसेको सर्वदलीय बैठकले कालापानी,लिपुलेक, लिम्पियाधुरा नेपालकै भूभाग हो भन्ने निष्कर्ष निकालिसकेको छ।
