विराटनगर, फागुन २२
आप्रवासी कामदारहरुको न्यायमा पहुँच सम्बद्र्धन परियोजना सन्चालन गर्दे आएको पिपुल फोरमले आज विराटनगरमा मोरङका सरकारी तथा गैरसरकारी निकायका सरोकारवालाहरुलाई आफूहरुले गरेको कामको जानकारी गराएको छ ।
कार्यक्रममा वैदेशिक रोजगारमा ऐजेन्ट भन्दा पनि मेनपावर कम्पनीबाट जाँदा सुरक्षित हुने भनेर सचेतना लगायतका कार्यक्रम गरिएको जानकारी दिइएको थियो ।
यस्तै खाडी मुलुकमा जाँदा सरकारले फ्रि भिसा र टिकटको व्यवस्था गरिसकेकाले वैदेशिक रोजगारमा १० हजारदेखि ३० हजारसम्म रकम लाग्ने भएपनि बढी पैसा तिरेर गैइरहेको जानकारी दिइएको थियो ।
सन् २०१६ मा प्रत्येक दिन १ हजार ६ सय युवा रोजगारीका लागि विदेशीने गरेको भएपनि अहिले दैनिक १ हजार १ सय बैदेशिक रोजगारीमा जाने गरेको जानकारी दिइएको थियो ।
वैदेशिक रोजगारीमा भएका दैनिक ३ जनाको शब नेपाल भित्रिने गरेकाले आफूले जाने देश र आफूले गर्ने कामको बारेमा सीप सिकेर जान सचेत गराइएको पिपुल फोरमकी कानुन सहायक अधिकृत कला त्रितालले जानकारी दिईन् ।