२३ मंसिर, काठमाडौं ।
१३औं दक्षिण एसियाली खेलकुद (साग)को बक्सिङमा नेपाली मिनु गुरुङले स्वर्ण जितेकी छन् ।
लगनखेलस्थित नेपाली सेनाको शारिरीक तालिम तथा खेलकुद केन्द्रमा सोमबार भएको फाइनल प्रतिस्पर्धामा मिनुले श्रीलकंन र भारतीय खेलाडीलाई हराएकी हुन् ।
यससँगै उनी सागमा स्वर्ण जित्ने पहिलो नेपाली महिला बक्सर बनेकी छन् ।
साथै सागमा बक्सिङबाट नेपालको २० वर्षपछि पहिलो स्वर्ण हो । सन् १९९९ मा काठमाडौंमै भएको सागमा प्रकाश थापा मगर र रामचन्द्र थापा मगरले स्वर्ण जितेका थिए ।
