आजका प्रमुख खबरहरुः
१.(विद्यार्थी मारिएपछि)
बसको ठक्करबाट काठमाडौंको सुकेधारामा पशुपति क्याम्पसमा अध्ययरत छात्रा सृष्टि पन्तको मृत्यु पछि आक्रोसित विद्यार्थीको प्रदर्शनबाट चाबहिल क्षेत्र दिनभर तनावग्रस्त / भक्तपुर चल्ने एक बसमा आगजनी ।
२.(शंकास्पद चिनियाँ)
नेपालमा बसेर चीनमा आर्थिक अपराध गर्ने गरेको आशंकामा काठमाडौंबाट ९७ जना चिनियाँ नागरिक पक्राउ / पर्यटन भिसामा नेपाल प्रवेश गरेका पक्राउ गरेका चिनियाँका विषयमा अनुसन्धान भइरहेको प्रहरीको भनाई ।
३.(प्रतिपक्षको ध्यानाकर्षण)
नेपाल ट्रष्टको सार्वजनिक जग्गा निजी कम्पनीलाई दिएको सम्बन्धमा सरकारले सदनलाई जानकारी दिनुपर्ने नेपाली कांग्रेसका सांसद राधेश्याम अधिकारीको माग / भ्रष्टाचारका सम्बन्धमा प्रधानमन्त्रीको भनाई र गराईमा भिन्नता देखिएको टिप्पणी ।
४.(सरकारमाथि प्रश्न)
भारतको अतिक्रमणमा परेको नेपाली भूभाग फिर्ता गराउने सवालमा अडान लिन नसकेको भन्दै नेपाली कांग्रेसद्वारा सरकारको आलोचना / गोकर्ण रिसोर्ट र नारायणीहिटी जग्गामा देखिएको विवाद बारे स्पष्ट पार्न माग ।
५.(सचिवलाई सचेत)
उद्योग सचिव यामकुमारी खतिवडाले सिमेन्टको मापदण्ड र गुणस्तरमा परिवर्तन भइ नसकेको बताएपछि सांसदहरुद्वारा आपत्ति / मन्त्रीलाई समेत हस्ताक्षर नगराई फाइल राखेको भन्दै समितिलाई झुक्याउने प्रयास नगर्न सचिव खतिवडालाई आग्रह ।
६.(भ्रमण वर्षको तयारी)
प्रदेश १ मा नेपाल भ्रमण वर्ष–२०२० को उद्घाटन भव्य बनाउन प्रदेशको चिनारी झल्किने विभिन्न कार्यक्रमगर्ने तयारी / भ्रमण वर्षको वार्षिक कार्ययोजना एक महिनाभित्र पेश गर्न सम्बन्धीत समितिहरुलाई मुख्यमन्त्री शेरधन राईको निर्देशन ।
७.(कुखुरामा राजनिति)
ब्रोइलर कुखुराको मासुमा मूल्यवृद्धि हुन नदिने उपभोक्ता संरक्षण विभागको भनाई / मासुमा मूल्य बढाउन चालिस लाख चल्ला नष्ट गरेपनि मूल्य र आपूर्तिमा असहज हुन नदिने विभागको अडान ।
८.(केयूमा आन्दोलन)
काठमाडौं विश्वविद्यालयको उपकुलपति र रजिष्ट्रारको कार्यालयमा कर्मचारी संघ र प्राध्यापक संघद्वारा पुनः तालाबन्दी / कर्मचारी र प्राध्यापक संघसम्बन्धी नियमको मस्यौदा अनुमोदन नगरिए विश्वविद्यालयका गतिविधि ठप्प पार्ने चेतावनी ।
९.(प्रविधिको प्रयोग)
कामदारको श्रमस्वीकृतिका लागि रोजगार व्यवसायीका प्रतिनिधि र विभागका कर्मचारीबीच भेट गर्नै नपर्ने / मागपत्र प्रमाणीकरणदेखि कामदार छनोट प्रक्रियासम्मका काम अब अनलाइन प्रणालीबाटै हुने ।
१०.(ध्यू पनि नक्कली)
वीरगञ्जमा रसायन मिसावट गरी पूजा, दुर्गा र गोकुल शुद्द घ्यूको स्टिकर लगाई नक्कली घ्यू उत्पादन तथा बिक्री वितरण गर्दै आएको फेला / नक्कली घ्यू उद्योगका सञ्चालकसहित तीन जना पक्राउ ।
११.(खेल परिषद कस्तो बनाउने ?)
संसदीय समितिमा राष्ट्रिय खेलकुद परिषद गठनका विषयमा छलफल / संविधानले व्यवस्था गरेअनुसार परिषदमा ३३ प्रतिशत महिला सहितको समावेशी प्रतिनिधित्व हुनेगरि सुझाव दिन सांसदहरुलाई आग्रह ।
१२.(भौचरबाट रोजगार )
काठमाडौंको भृकुटिमण्डपमा भौचर मेला सुरु / मेलामा सहभागिहरुले भौचर पाउने र आफुलाई पायक पर्ने तालिम केन्द्रमा इच्छा लागेको सिप सिक्न उक्त फारम भर्नुपर्ने ।
१३.(पोखरा बाहिरियो)
पोखरा प्रिमियर लिगमा अघिल्लो संस्करणको विजेता पोखरा पल्टन लिग चरणबाटै बाहिरियो / अन्तिम खेलमा धनगढीसँग पोखरा ५ विकेटले पराजित / धनगढीलाई प्लेअफमा पुग्न काठमाण्डौ वा विराटनगरले भारी अन्तरले हार्नुपर्ने ।
१४.(मृत्युदण्डको सजाय)
पत्रकार जमाल खाशोग्गीको हत्यामा संलग्न भएको ठहर गर्दै पाँच जनालाई मृत्युदण्डको सजाय दिने साउदी अदालतको ठहर / तीन जनालाई भने सबै जोडेर २४ वर्षको जेल सजाय ।
र,
१५.(मुस्लिमको चिन्ता)
६० मुस्लिम देशहरुको संगठन अर्गनाइजेसन अफ इस्लामिक को अपरेसनद्वारा भारतको नागरिकता संशोधन विधेयकमा चासो व्यक्त / बिना कुनै भेदभाव अल्पसंख्यकहरुको सुरक्षा हुनुपर्ने र उपेक्षा गरिएमा सुरक्षा र स्थिरतामा गम्भीर प्रभाव पर्ने चेतावनी ।
