काठमाडौं, चैत १
प्रमुख विपक्षी दल नेपाली कांग्रेसले उपसभामुखमा पुष्पा भुसाललाई उम्मेदवार बनाउने भएको । अर्घाखाँचीकी भुसाल हाल समानुपातिक सांसद हुन् । २०३६ सालमा नेवि संघबाट राजनीति सुरु गरेकी उनी पहिलो संविधानसभामा पनि सांसद बनेकि थिइन् ।
उपसभामुखको उम्मेदवारी दर्ताका लागि दिउँसो २ बजेसम्मको समय तोकिएको छ । उपसभामुखको निर्वाचन शुक्रबार हुदैछ । वाम गठबन्धनको भागवण्डामा उपसभामुख एमालेको भागमा परेको भएपनि उम्मेदवार अझै टुंगो लागेको छैन ।
