११ माघ, विराटनगर ।
प्रहरी जवानबाट हवल्दारमा बढुवा भएका मोरङमा कार्यरत २१ प्रहरीलाई दज्र्यानी चिन्ह प्रदान गरिएको छ । माघ ७ गतेको प्रहरी उपरीक्षकको निर्णयअनुसार विभिन्न ठाउँमा दरबन्दी भएर मोरङ जिल्लामा कार्यरत उनीहरुलाई शुक्रबार जिल्ला प्रहरी कार्यालयमा एक कार्यक्रमको आयोजना गरी दज्र्यानी चिन्ह प्रदान गरिएको हो ।
प्रहरी संठनमा हवल्दार पदमा बढुवा भएका प्रहरी जवानलाई जिल्ला प्रहरी कार्यालय मोरङका प्रहरी उपरीक्षक विश्व अधिकारीले दज्र्यानी चिन्ह प्रदान गरे ।
हवल्दारमा बढुवा हुनेमा विनोद कार्की, तुलसी लामा, डेगराज कोइराला, विक्रमकुमार श्रेष्ठ, उमेश खतिवडा, शिवबहादुर कटुवाल, धिरेन्द्र गुरुङ, रामचन्द्र दाहाल, यमकुमारी प्रधान, बलनारायण उराव, गणेशप्रसाद घताने, जिवछ यादव रहेका छन् । त्यस्तै श्यामानन्द चौधरी, रमेशकुमार मण्डल, कृष्ण भुजेल, रिशिराम आचार्य, सुरेशनारायण मण्डल, खेलानन्द यादव, मो.किस्मत, राजकुमार ढकाल, नारायण चौधरी पनि हवल्दारमा बढुवा भएका छन् ।
कार्यक्रममा मंसिर महिनामा मोरङ जिल्लाको उत्कृष्ट बन्न सफल जिल्ला प्रहरी कार्यालय मोरङमा कार्यरत प्रहरी हवल्दार सन्तोष राई र पुस महिनाको उत्कृष्ट प्रहरी बन्न सफल ईलाका प्रहरी बेलबारीमा कार्यरत प्रहरी निरिक्षक गुणराज बुढाथोकीलाई सम्मान गरिएको थियो । कार्यक्रममा प्रहरी उपरीक्षक विश्व अधिकारीले उनीहरुलाई सम्मान पत्र प्रदान गरे । कार्यक्रममा जिल्लामा कार्यरत विभिन्न दर्जाका प्रहरीको उपस्थिती रहेको थियो ।
सो अवसरमा प्रहरी उपरीक्षक विश्व अधिकारीले बढुवा हुने र सम्मानित हुने सबैलाई शुभकामना दिँदै सबैलाई लगनका साथ काम गर्न निर्देशन दिए । कार्यक्रममा अधिकारीले हालसम्मको अपराध अनुसन्धानमा मोरङ जिल्लामा गत वर्षहरुको भन्दा उल्लेख्य प्रगति भएको भन्दै त्यसको जससम्पुर्ण लगनशील प्रहरीलाई जाने बताए ।
