२८ माघ, धनकुटा।
धनकुटामा एक महिलाले अगुल्टाले टाँउकोमा हिर्काएर साथीको हत्या गरेकी छन । धनकुटा छथरजोरपाटी ३ लामोगरा बस्ने २९ बर्षीया पवित्रा राईको आफ्नै साथीको कुटाइबाट मृत्यु भएको छ ।
गत शनिवार बेलुका ७ बजे सोही स्थानकी २८ बर्षीया निर्मला श्रेष्ठ र पवित्रा राईको सामान्य बिबाद हुदा निर्मलाले पवित्रालाई एक्कासी दाउराको अगुल्टोले टाँउको र मुखमा हिर्काउदा शक्त घाईते भएकी पवित्रा राईको जिल्ला अस्पताल धनकुटामा उपचारको क्रममा मंगलबार मृत्यु भएको जिल्ला प्रहरी कार्यालयल धनकुटाले जनाएको छ ।
घटनामा सलग्न निर्मला श्रेष्ठलाई पक्राउ गरिएको प्रहरीले जनाएको छ ।
