संखुवासभा, चैत ६
तेह्रथुमको लालीगुरास नगरपालिकासंगै जोडिएको संखुवासभाको तामाफोक ९ टुटेमा चिज उद्योग खुलेपछि यस क्षेत्रका किसानले उत्पादन गरेको दुधले बजार पाएको छ ।
व्यवसायी तेजेन्द्र कुरुङवाङले चिज उद्योग संचालनमा ल्याएपछि व्यवासायिक दुध उत्पादनमा लागेका किसानलाई राहत पुगेको हो । गाउमै उद्योग खुलेपछि दुध नविक्ने समस्या खेप्दै आएका किसानले यो समस्यावाट मुक्ति पाएका छन् ।
उद्योगमा उत्पादित चिज, छुर्पी, घिउ लगायतका दुग्ध जन्य उत्पादन धरान, विराटनगर, पोखरा, काठमाडौं लगायतका बजारतर्फ निर्यात भैरहेको छ ।
उद्योगमा अहिले दैनिक १ क्वीनटल चिज, ५० केजी छुर्पी र ५० केजी घिउ उत्पादन भैरहेको उद्योगले जनाएको छ । व्यवसायी कुरुङवाङले १ करोड ५० लाख रुपैंयाको लागतमा चिज उद्योग संचालनमा ल्याएका हुन् ।
