आजका प्रमुख खबरहरुः
१.(सचेत रहौं सचेतना जगाउ)
विश्वभर फैलिरहेको कोरोना भाइरसलाई मध्यनजर गर्दै मोरङमा पनि होली नखेल्न जिल्ला प्रशासन कार्यालय मोरङको आग्रह/भिडभाड, सभा, उत्सव, सम्मेलन तथा कार्यक्रममा जिल्लाबासीलाई उपस्थित नहुन र उच्च सतर्कता अपनाउन प्रशाासन कार्यालयको अनुरोध ।
२.(भ्रम नछरौ)
कोराना संक्रमणको आशंकामा टेकु अस्पतालको आइसोलेसन वार्डमा भर्ना भएर भागेका भनिएका कोरियाबाट आएका एक नेपालीमा संक्रमण नभएको अस्पतालको पुष्टि/अबदेखि आइसोलेसन वार्डमा नेपाल प्रहरीका साथै मनोवैज्ञानिक परामर्शदातालाई पनि खटाइने ।
३.(सुधारोन्मुख स्वास्थ्य)
मिर्गौला प्रत्यारोपण गर्नुभएका प्रधानमन्त्री केपी शर्मा ओलीको पछिल्लो स्वास्थ्यस्थिति ’राम्रो’ रहेको चिकित्सकहरूको भनाइ/प्रधानमन्त्री अडेस लागेर बस्न र आफैँ कोल्टे फेर्न सक्ने अवस्थामा ।
४.(कोरोनाको सर्तकता)
मास्कको आपूर्ति र उत्पादन बढाउने विषयमा नीति क्षेत्रसँग सहकार्य भइरहेको सरकारको भनाई /भाइरस नियन्त्रणका लागि प्रदेश र स्थानीय सरकारसँग छलफल गरी भारतसंग जोडिएका ३७ वटा सीमा नाकाहरुमा टोली खटाउने तयारी ।
५.(विप्लबको अराजकता)
हुलाकी राजमार्ग निर्माण गरिरहेको शर्मा एण्ड कम्पनीका ६ ओटा गाडीमा अज्ञात समूहद्वारा नवलपरासीमा आगजनी /कम्पनीले गरेको काम गुणस्तर नभएको तथा पार्टीको सुराकी गरेको घटनास्थलमा भेटिएको नेपाल कम्युनिष्ट पार्टीको पर्चामा उल्लेख ।
६.(औषधिको अभाव हुदैन)
कोरोना भाइरस रोकथाम र नियन्त्रणका लागि सरकारले सीमा नाकाहरुमा कडाई गर्ने/भारत सरकारले अत्यावश्यक औषधिको माग गरेमा नेपाल सरकारलाई आपूर्ति गर्ने खबर पठाएको भन्दै औषधि अभाव नहुने उपप्रधानमन्त्री ईश्वर पोखरेलको भनाई ।
७.(चेल खुलोस्)
जनतालाई खुसी पार्न नसके समाजवाद र कम्युनिष्ट पार्टी नटिक्ने नेकपाका वरिष्ठ नेता माधवकुमार नेपालको भनाई/समाजवाद मान्नेहरुले पूँजीवादका राम्रा पक्षलाई लिन नसक्दा अझैपनि संघर्ष गरिरहनु परेको उल्लेख ।
८.(संसदीय समितिको उपेक्षा)
नेपाली सेना भित्रको भ्रष्टाचारको छलफलमा रक्षामन्त्री इश्वर पोखरेल र प्रधानसेनापति पूर्णचन्द्र थापा अनुपस्थित हुदा राज्य व्यवस्था समितिको बैठक स्थगित/अर्को बैठकमा अनिवार्य उपस्थित हुने सन्देश मन्त्री समक्ष पु¥र्यादिन रक्षा सचिव रेश्मीराज पाण्डेलाई निर्देशन ।
९.(उजुरीपछि पाइन्छ ?)
मास्क महँगोमा बेचेको वा लुकाएको पाइए ११ सय ३७ नम्बरमा खबर गर्न सरकारको आग्रह / उजुरीको आधारमा सरकारले अनुगमन गरी दोषी पाइए तीन लाख रुपैयाँसम्म जरिबाना तिराउने र मुद्दा चलाउने ।
१०.(निकुञ्ज पीडितको आवाज)
निकुञ्ज वरिपरि बस्ने स्थानीय जनताहरुको स्तानान्तरण तथा उनीहरुले पाउने राहतको विषयमा स्पष्ट व्यवस्था हुनुपर्ने सांसदहरुको माग /बन्यजन्तुको अवस्था र समस्याका विषय तर्फ पनि ध्यान जानुपर्नेमा जोड ।
११.(राजदूतको प्रमाणपत्र)
नेपालका लागि भारतीय राजदूत विनय मोहन क्वात्राद्वारा राष्ट्रपति विद्यादेवी भण्डारीसमक्ष आफ्नो ओहोदाको प्रमाण पत्र पेश /नवनियुक्त भारतीय राजदूत क्वात्राद्वारा उपराष्ट्रपति नन्दबहादुर पुन र उपप्रधानमन्त्री ईश्वर पोखरेलसंग पनि भेटवार्ता ।
१२.(जनप्रतिनिधीको काम)
जाजरकोटको जुनीचाँदे गाउँपालिकाका अध्यक्ष कृष्णबहादुर केसी र वडा नम्बर ५ का वडाध्यक्ष राजबहादुर शाहीविरुद्ध विशेष अदालत काठमाडौंमा मुद्दा दायर /सडक निर्माण कार्यमा कमिसनबापत २५ लाख ५० हजार रुपैयाँ घुस लिएको भन्दै अख्तियारद्वारा मुद्दा दर्ता ।
१३.(सुन्नै नुसकिने सुन)
सुनको भाउमा बिहीबार फेरि नयाँ कीर्तिमान / विहिबार तोलामा दुई सय रुपैयाँ बढेर सुनको भाउ अहिलेसम्मकै महँगो ८० हजार ७ सय रुपैयाँमा कारोवार ।
१४.(इपीएल स्थगित)
आगामी महिना त्रिवि क्रिकेट मैदानमा हुन लागेको एभरेष्ट प्रिमियर लिग (ईपीएल) स्थागित / कोरोना भाइरसको संक्रमण बढ्दै गएको अवस्थालाई ध्यान दिएर स्थगित भएको ईपीएल अनुकुल वातावरण भएपछि सञ्चालन गरिने ।
र,
१५.(उदारता देखियो)
भारत सरकारले कश्मीरमा ‘सोसल मिडिया’मा लगाएको प्रतिबन्ध फुकुवा गर्नुका साथै दुई साताका लागि इन्टरनेट पनि फुकुवा गर्यो /मोबाइल फोनहरुको इन्टरनेट सेवा प्रवाह भने सुस्त नै रहने ।
