५ चैत्र, काठमाडौँ ।
काठमाडौंको सानो भर्याङबाट १० लाख थान मास्कसहित एक जनालाई प्रहरीले पक्राउ गरेको छ।
महानगरीय प्रहरी अपराध महाशाखाको टोलीले गोरखाका युवराज न्यौपानेलाई १० लाख मास्कसहित पक्राउ गरेको हो। मास्क राखिएका कार्टुनसहित प्रहरीले न्यौपानेलाई नियन्त्रणमा लिएको छ।
यसअघि केही दिनअघि मात्र राजधानीका विभिन्न दुई स्थानबाट १० लाख भन्दा बढी मास्क बरामद भएको थियो। कोरोना भाइरसको संक्रमणपछि बजारमा कृत्रिम अभाव सृजना गरि कालोबजारी गर्न खोजेको आरोपमा प्रहरीले व्यापारीहरुमाथी विषेश निगरानी बढाएको छ।
न्यौपाने दीप ओभरसिजका सन्चालक हुन्। महाशाखाका प्रमुख सहकुल थापाले २० देखी ३० रुपैयाँसम्म प्रति मास्क बिक्री गर्ने ‘डील’ गरिरहेका बेला न्यौपानेलाई नियन्त्रणमा लिएको जानकारी दिए। ‘बीचको मान्छेसँग कुरा भईरहेको बेला उनलाई समातेका छौँ’ एसएसपी थापाले भने।
