८ वैशाख, एजेन्सी ।
अन्तर्राष्ट्रिय बजारमा कच्चा तेलको मूल्यमा गिरावट आएको छ ।
सोमबार अमेरिकामा तेलको मूल्य प्रति ब्यारेल १५ डलर भन्दा पनि कम भएको छ । पछिल्लो दुई दशकमा तेलको मूल्य सबैभन्दा कम भएको हो । कोरोना भाइरसको महामारीका कारण विश्वका अधिकांश क्षेत्रमा लकडाउन रहेकाले तेलको माग कम हुँदा मूल्यमा गिरावट आएको हो ।
माग कम भए पनि उत्पादन कम गर्ने निर्णयमा ढिलाइ हुँदा तेलको मूल्य कम भएको हो । सोमबारको सुरुवाति कारोबारमा बेन्चमार्क वेस्ट टेक्सस इन्तरमिडिएट (डब्लुटिआइ) मा १९ प्रतिशतले कमी आएको हो । कच्चा तेलको मूल्य प्रति ब्यारेल १४.७३ डलर पुगेको हो ।
केही समयपछि तेलको मूल्य १५.७८ डलर प्रति ब्यारेल पुगेको हो ।
