इलाम, चैत १७
मापदण्ड विपरीत इलामका खोलानालामा बालुवा गीटि उत्खनन् भएकोमा स्थानीय ले विरोध गरेका छन् । झापा जिल्ला समन्वय समिति मार्फत ठेक्का लगाएर इलामका खोलामा स्थानीय तहको श्रोत गुम्ने गरी बालुवा गिटी उत्खनन् गरिएको छ ।
इलाम चुलाचुलीमा पर्ने रतुवा खोलाबाट दैनिक डेढ सय ट्रिपर बालुवा गिटि निकासी हुने गरेको छ । रतुवा, विरिङ र मावा खोला उत्खनन् भैरहँदा इलामका स्थानीय निकायले भने आफूले आम्दानी लिन नपाएको गुनासो गरेका छन् ।
इलाम र झापा जिल्लाका स्थानीय तहका पदाधिकारीबीच गत फागुन २६ गते सीमाना यकिन गरी ठेक्काको श्रोत उपलव्ध गराउने सहमति भएपनि कार्यान्वयन हुन सकेको छैन ।
चुरे क्षेत्रमा उत्खनन्ले वातावरणीय क्षेत्रमा नकारात्मक प्रभाव पर्ने देखिएको छ । नदि उत्खननले वर्खामा स्थानीयले बाढि पहिरोको समस्या झेल्नु पर्ने स्थिति छ ।
स्थानीय बासीन्दाले बाढिले बगाएको आफ्नो नम्बरी जग्गामा समेत बलर्पुवक उत्खनन् गरिएको बताएका छन् । झापा जिल्ला समन्वय समितिले चालु आर्थिक वष रतुवा, मावा र विरिड. खोलाको गिटि बालुवालाई १३ करोड रुपैयाँमामा ठेक्का लगाएको छ ।
