१७ बैशाख, काठमाडौं । कालोबजारीको अभियोगमा पक्राउ परेका शंकर ग्रुपका मालिक सुलभ अग्रवालविरुद्ध काठमाडौं जिल्ला अदालतमा मङ्गलबार मुद्दा दायर भएको छ ।
तीन हजार मूल्य पर्ने थर्मल गनलाई १५ हजार रुपैयाँमा बेचेको आरोपमा उनी चैत २५ गते पक्राउ परेका थिए ।
सरकारी वकिल कार्यालयले १ वर्ष ६ महिनासम्म कैद सजाय र १० लाख जरिवाना माग गर्दै मुद्दा दर्ता गरेको काठमाडौं जिल्ला सरकारी वकिल कार्यालयका हरिप्रसाद रेग्मीले जानकारी दिए।
सामान्यतया १ वर्षसम्मको सजाय व्यवस्था रहेकाले कालोबजारीसम्वन्धी मुद्दा जिल्ला प्रशासन कार्यालयमा दर्ता हुन्छ। तर अग्रवालको सम्वन्धमा थप ६ महिना पनि आकर्षित हुने भएकाले जिल्ला अदालतमा दर्ता भएको हो।
