२२ बैशाख, काठमाडौं । लकडाउनको मोडालिटीबारे छलफल गर्न कोरोना रोकथाम तथा न्यूनीकरण उच्चस्तरीय समन्वय समितिको बैठक बसिरहेको छ ।
लकडाउनको समीक्षा गर्न प्रधानमन्त्री कार्यालय सिंहदरबारमा बैठक सुरू भएको प्रधानमन्त्री कार्यायका सचिव नारायणप्रसाद बिडारीले बताए ।
आजको बैठकले लकडाउनको मोडालिटी कस्तो बनाउने भनेर खाका तयार पार्ने बताइएको छ । पछिल्लो पटक थपिएको लकडाउनको समय वैशाख २५ गते सकिँदैछ ।
नेपालमा हालसम्म कोरोनाका ७५ जना संक्रमित भेटिएका छन् भने त्यसमध्ये १६ जना निको भइसकेका छन्। निको भइसकेकोमध्ये दुईजना फेरि अस्पताल भर्ना भएका छन् ।
