२२ बैशाख, काठमाडौँ ।
कोभिड—१९ रोकथामतथा नियन्त्रण उच्चस्तरिय समन्वय समितिले लक डाउनको मोडालिटीका विषयमा छलफल गरेको छ । सिंहदरबारमा सोमबार बसेको समन्वय समिति बैठकमा बैशाख २५ गतेपछि लक डाउनको मोडालिटी कस्तो हुने भन्ने विषयमा छलफल भएको हो ।
पछिल्ला दिनहरुमा तराईका जिल्लामा संक्रमणको बढ्दो अवस्थामा रहेको र परीक्षण पनि ब्यापक भइरहेको अवस्थालाई मध्यनजर गर्दै २५ गतेपछि लक डाउन कस्तो हुने भन्ने विषयमा बैठकमा छलफल भएको छ । प्रधानमन्त्री तथा मन्त्तिपरिषद् कार्यालयका सचिव नारायणप्रसाद विडारीले कोभिड—१९ रोकथामका लागि अहिलेसम्म भएका प्रयास र आगामी दिनमा लक डाउनको अवस्था कस्तो हुने भन्ने विषयमा छलफल भएको बताए । स्थानीयतहहरुसँग समन्वय गरी अब कसरी जाने भन्ने विषयमा मंगलबारको बैठकले निर्णय गर्न सक्ने उनले बताए ।
अहिले लक डाउनका विषयमा आन्तरिक गृहकार्य र विश्लेषणको कार्य जारी रहेको उल्लेख गर्दै सचिव विडारीले मंगलबार समितिले लक डाउनको मोडालिटीका विषयमा मस्यौदा तयारी गरी सरकारलाई दिन सक्ने बताए । समितिको मस्यौदा अध्ययन गरी सरकारले निर्णय लिने उनको भनाई छ । सरकारले पछिल्लो समय थप गरेको लक डाउनको अवधि बैशाख १५ गते सकिँदैछ ।
