२३ वैशाख, एजेन्सी ।
विश्वमा कोरोना भाइरसबाट संक्रमित हुनेको सख्या ३६ लाख ४६ हजार नाघेको छ।
अढाई लाख भन्दा बढीले ज्यान गुमाएका छन्। विश्वका २१५ देशमा महामारीका रुपमा फैलिएको कोरोनाको संक्रमणका कारण अहिलेसम्म २ लाख ५२ हजार ४ सय २९ जनाको मृत्यु भइसकेको छ । सबैभन्दा धेरै कोरोना संक्रमण अमेरिकामा रहेको छ। अमेरिकामा कोरोनाका कारण ६९ हजार ९२५ को मृत्यु भएको छ।
त्यहाँ संक्रमितको संख्या १२ लाख १२ हजार ९ सय ५५ रहेको छ। अमेरिकामा हाल सम्म १ लाख ८८ हजार ६८ जना निको भएका छन्। इटलीमा २९ हजार ७९, बेलायतमा २८ हजार ७३४, स्पेनमा २५ हजार ४२८ जनाको कोरोनाका कारण ज्यान गइसकेको छ। विश्वभर १२ लाख ३१७ उपचार पछि निको भएर घर फर्किसकेका छन्।
२१ लाख ९३ हजार ७२२ जनाको उपचार भइरहेको छ । जसमध्ये ४९ हजार ६३७ को स्वास्थ्य अवस्था गम्भीर रहेको छ भने बाँकीको मध्यम रहेको छ।
