२७ बैशाख, विराटनगर ।
भारतले नेपाली भूमि लिपुलेकमा सडक बनाएको विरोधमा नेपाल–भारत सीमा नजिक भारतीय प्रधानमन्त्री नरेन्द्र मोदीको पुत्ला दहन भएको छ ।स्वतन्त्र युवा समूह बिराटनगरले भारतीय सेना फिर्ता गर्नुको सट्टा लिपुलेक हुदै मानसरोवर जाने सडक निर्माण गरेको भन्दै त्यसको बिरोधमा जोगबनी नाकावारि बिराटनगर–१७ रानीभन्सार २ नम्वर ढाट नजिकै पुत्ला दहन गरिको हाे ।
सो क्रममा युवा समूहले भारतीय विस्तारवाद मुर्दावाद , नेपाली हामी रहौँला कहा नेपालै नरहे , हाम्रो सिमाना मिचिएको हो कि बेचिएको हो?सरकार किन मौन?,गो ब्याक इन्डिया, लगायतका प्लेकार्डसहित नाराबाजी गरेका थिए । प्रदर्शनपछि विराटनगर महानगरपालिका १७ मा विरोध सभा गरिएको थियो । सभामा बोल्दै समूहका अध्यक्ष हमिद, राप्रपा नेता मुस्लिम मिया ,बिभिन्न स्वतन्त्र युवाहरुले अतिक्रमणको विरोध गरेका थिए ।
भारतले नेपाली भूमि कालापानी, लिपुलेक हुँदै चीनको तिब्बतस्थित धार्मिक स्थल मानसरोवर जाने सडकमार्ग खोलेपछि देशब्यापी रुपमा त्यसको विरोध भईरहेको छ । नेपाली पक्षसँग कुनै समन्वय नगरी एकतर्फी रुपमा निर्माण गरिएको उक्त सडकको शुक्रबार भारतका रक्षामन्त्री राजनाथ सिंहले दिल्लीबाट भिडियो कन्फरेन्समार्फत उद्घाटन गरेका थिए । यस कार्यको नेपाल सरकारले पनि विज्ञप्ती मार्फत विरोध जनाइसकेको छ ।
भारतले सन २०१९ नोभेम्बरमा दार्चुलाको उत्तर–पश्चिम क्षेत्रमा पर्ने उक्त भूभागलाई आफ्नो पट्टी पार्दै नयाँ राजनीतिक नक्सा जारी गरेको थियो । त्यसको व्यापक विरोध हुँदै आएपनि त्यसयता उत्पन्न समस्या समाधान भइसकेको छैन । विवाद कै बीच भारतले नेपाली भूमिमा सडक विस्तार गरेपछि पछिल्लो विरोध प्रर्दशन भएको हो ।
