२९ वैशाख, विराटनगर ।
कोरोना भाइरसका कारण ज्यान गुमाउनेको संख्या २ लाख ८३ हजार ८६८ पुगेको छ ।
हालसम्म विश्वभर ४१ लाख ८१ हजारभन्दा धेरैमा कोरोनाको संक्रमण देखिएको छ । यसमध्ये १४ लाख ९३ हजार ४४८ निको भइसकेका छन् । २४ लाख ३ हजारबढिको उपचार भइरहेको छ । यसमध्ये २ प्रतिशतको अवस्था गम्भीर रहेको छ ।
सवैभन्दाबढि अमेरिकामा १३ लाख ६७ हजारभन्दा धेरै संक्रमित भएका छन् । यहाँ कोरोना भाइरसबाट ज्यान गुमाउनेको संख्या ८० हजार ७ सय ८७ पुगेको छ । कोरोनाबाट मृत्यु हुने देशको दोस्रो स्थानमा युके रहेको छ । यहाँ हालसम्म ३१ हजार ८ सय ८५ जनाले ज्यान गुमाइसकेका छन् ।
मृत्यु धेरै हुने तेस्रो राष्ट्र इटालीमा ३० हजार ५ सय ६० जनाको मृत्यु भएको छ ।
