२९ वैशाख, एजेन्सी ।
भारतको केन्द्रीय स्वास्थ्य मन्त्रालयले सोमबार बिहान सार्वजनिक गरेको तथ्यांक अनुसार पछिल्लो २४ घण्टामा मात्रै ४ हजार २ सय १३ जना नयाँ संक्रमित भेटिएको जनाएको छ।
यसैगरी संक्रमणबाट यो अवधिमा ९७ जनाको मृत्यु भएको छ। यो भारतमा एकैदिन आजसम्मकै धेरै कोरोना संक्रमित भेटिएको बताइएको छ। स्वास्थ्य मन्त्रालयका अनुसार सोमबार बिहान ८ बजेसम्म भारतमा कोरोना भाइरस संक्रमित कुल संख्या ६७ हजार १ सय ५२ पुगेको छ।
यी मध्ये ४४ हजार २९ वटा सक्रिय केस हुन्। संक्रमणका कारण कुल २ हजार २ सय ६ जनाले ज्यान गुमाएका छन्। यस्तै २० हजार ९ सय १६ जना संक्रमित बिरामी निको भएका छन्। भारतमा भेटिएका धेरै संक्रमित महाराष्ट्र, गुजरात, दिल्ली र तमिलनाडु राज्यबाट रहेका छन्।
