२९ बैशाख, कपिलवस्तु ।
विश्वमा फैलिएको कोरोना भाइरस (कोभिड १९)का कारणले नेपाल सरकारले जारी गरेको लकडाउनले गर्दा पीडित बनेका गरिब , विपन्न घर परिवारलाई कपिलवस्तुमा राहत वितरण गरिएको छ । कपिलवस्तुको महाराजगन्ज नगरपालिका वडा नं- ८ सिगरहामा आई.एन.एफ नेपालले गरिब परिवारलाई राहत वितरण गरेको हो ।
आई.एन.एफ नेपाल कपिलवस्तु शाखा र महाराजगन्ज नगरपालिकाको समन्वयमा गरिब , विपन्न परिवारलाई चामल, दाल,नुन र तेल वितरण गरिएको छ । राहतमा चामल २५ किलो , दाल २ किलो , नुन १ किलो र तेल १ लिटर वितरण गरिएको आई.एन.एफ नेपाल कपिलवस्तु शाखाका निमित्त प्रमुख मीना महतोले जानकारी दिइन् । महाराजगन्ज नगरपालिकाको वडा नं ८ र विभिन्न वडा मा राहतवितरण गरिएको हो ।
