चैत्र २४ ः बहुचर्चीत लिग आइ. पी. एल ् को ११ औँ संस्करण आजबाट सुरु हुँदैछ । आजको उद्घाटन खेलमा डिफेन्डिंग च्याम्पियन मुम्बइ इन्डियन्स र दुई पटकको च्याम्पियन चेन्नाई सुपर किङ्सले प्रतिस्पर्धा गर्ने छन् ।
वानखडे मैदान, मुम्बइमा हुने पहिलो खेल नेपाली समय अनुसार बेलुका ८ः१५ बाट सुरु हुनेछ । आजको खेलमा चेन्नाइ महेन्द्र सिंह धोनी र मुम्बइ रोहित शर्माको कप्तानीमा मैदान उत्रिने छ । उद्घाटन खेलमा दुवै टोली आफ्नो अग्रता बनाउने दाउमा छन् ।
प्रभावशालि ब्याट्समेनको रुपमा मुम्बइ इन्डियन्स् सँग माइकल इभिन लुइस र इसान खान रहेका छन् भने सुरेश रैना चेन्नाइको पहेँलो जर्सीमा मैदान उत्रिने छन् । त्यस्तै शक्तिशालि बलरको रुपमा मुम्बइ इन्डियन्स् सँग मुस्ताफिजुर रहमान,जुस्प्रिट बुम्रा भने चेन्नाइसँग डिवाने बार्भो रहेका छन् ।
अहिले सम्मको नतिजालाई हेर्दा जम्मा २२ खेलमा मुम्बईले १२ र चेन्नाईले १० खेल जितेका छन् भने वानखडे मैदानमा भएको खेलमा ७ खल मध्ये मुम्बइले ५ र चेन्नाइले २ खेल जितेका छन् ।
रोहित शर्मा र महेन्द्रसिंह धोनी ले अाइिपएलकाे १५९ वटा खेलमा सहभागी जनाएका छन् ।यस पटक सहभागी चेन्नाई सुपर किङ्स भने स्पट फिक्सिङ पछि दुइ बर्ष प्रतिबन्धमा परेको थियो ।
आइ. पी. एल को अर्को खेल भोलि किङ्स इलभेन पञ्जाव र दिल्लि डेयरडेभिल्स बीच विन्द्र स्टेडियम मोहलीमा हुनेछ ।
