२८ जेठ, काठमाडौँ ।
समसामयिक विषयमा छलफल गर्न आज मन्त्रिपरिषद् बैठक बोलाईएको छ । बैठक दिउँसो २ बजेका लागि बोलाईएको हो । बैठकमा चर्चाको विषय बनेको तर अझै निर्णय नभएकाे लकडाउनको मोडालिटी परिवर्तन गर्ने सम्बन्धमा छलफल हुने बताईएको छ ।
मुलुकमा संक्रमणका घटना झन बढिरहेको बेला लकडाउन खुकुलो बनाउन नहुने पक्षमा प्रधानमन्त्री केपी ओली रहेको बुझिन्छ । तर लामो लकडाउनले जनजीवन झनै कष्टकर भएको भन्दै तीव्र असन्तुष्टि र लकडाउन उल्लंघनका घटना बढ्न थालेका छन् ।
कोभिड-१९ रोकथाम तथा नियन्त्रण उच्चस्तरीय समिति र कोभिड-१९ क्राइसिस म्यानेजमन्ट सेन्टर (सीसीएमसी) ले तयार गरेका लकडाउन मोडालिटी बारेका प्रस्ताव मर्ज गरेर सोही अनुसार मन्त्रिपरिषदले निणर्य लिन सक्ने बताइएको छ ।
समितिले दुई हप्ताको एक चरण हुनेगरी गरी पाँच चरणमा लकडाउन खुकुलो बनाउँदै जाने प्रस्ताव तथा सेन्टरले ६ चरणमा लकडाउन खुकुलो गर्ने प्रस्ताव यसअघि नै सरकारलाइ बुझाएका छन् ।
