३० जेष्ठ, एजेन्सी । बेलायतलाई पछि पार्दै भारत विश्वमा सर्वाधिक कोरोना संक्रमित भएको मुलुकको सूचीमा चौथो स्थानमा उक्लिएको छ ।
वर्ल्डोमिटरको बिहीबारको तथ्यांक अनुसार भारतमा संक्रमित संख्या २ लाख ९८ हजार २ सय ८३ पुगेको छ । बेलायतमा भने यो संख्या २ लाख ९१ हजार ४ सय ९ रहेको छ ।
अन्तराष्ट्रिय सञ्चारमाध्यमका अनुसार भारत मात्र १८ दिनमा विश्वको चौथो धेरै कोरोना संक्रमित भएको मुलुक बनेको हो।
सूचिको पहिलो तीन स्थानमा क्रमशः अमेरिका, ब्राजिल र रसिया रहेको छ।
शुक्रबार भारतको केन्द्रीय स्वास्थ्य मन्त्रालयले कोरोनाका कारण हालसम्म त्यहाँ ८ हजार ४ सय ९८ ज्यान गइसकेको छ। यसैगरी मन्त्रालयले त्यहाँ संक्रमित संख्या २ लाख ९७ हजार ५ सय ३८ पुगेको छ।
मे २४ मा भारत विश्वको सर्वाधिक कोरोना प्रभावित १० औं मुलुकको बनेको थियो। त्यसयता भारतमा संक्रमित संख्या निरन्तर बढिरहेको छ। जुन २ यता भारतमा दैनिक १० हजारको करिब संक्रमित फेला परिरहेका छन्।
