२ असार, सोलुखुम्बु ।
सोलुखुम्बुको खुम्बु पासाङल्हामु गाउँपालिकाका अध्यक्ष ङिम दोर्जी शेर्पाको निधन भएको छ ।
अध्यक्ष शेर्पाको ३९ वर्षको उमेरमा मंगलबार बिहान निधन भएको हो । उनी सानो आन्द्रामा क्यान्सर भएर विगत १० महिनादेखि थलिएका थिए । स्वास्थ्यमा सुधार नआएपछि उनलाई जेठ १० गते हेलिकोप्टर मार्फत जन्मस्थल लुक्ला ल्याइएको थियो ।
शेर्पाको पछिल्लो समय काठमाण्डौको ह्याम्स अस्पतालमा ‘केमोथेरापी’ गराइएको थियो । शल्यक्रिया गर्नुपर्ने भए पनि तौल कम हुँदा उपचार गर्न नसकिएको चिकित्सकले बताएका छन् । तत्कालीन एमालेबाट निर्वाचित शेर्पा नेकपा सोलुखुम्बुको जिल्ला कमिटी सदस्य पनि थिए ।
