आजका प्रमुख खबरहरुः
१.(झन बढ्दै संक्रमित)
नेपालमा कोरोना संक्रमणबाट थप एक जनाको मृत्युभएसंगै मृतकको संख्या २० पुग्यो/बुधबार ५ सय ८६ जना संक्रमित थपिएसंगै संक्रमितको संख्या ७ हजार १ सय ७७ पुग्यो/११ सय ६७ जना संक्रमित उपचारपछि निको भए ।
२.(कोरोनासँग जोडिएकाहरु)
पीसीआर विधिबाट १ लाख ४९ हजार ७ सय ७२ र आरडिटी विधिबाट २ लाख ३३ हजार ५ सय ४३ वटा नमुना परीक्षण/देशभर १ लाख २५ हजार ७ सय ९८ जना क्वारेन्टाइनमा /५ हजार ९ सय ९० जना आइसोलेनमा ।
३.(विरामीलाई बुझिदिनुस्)
बिरामीको उपचारमा आवश्यक समन्वय गर्न अस्पताललाई सरकारको निर्देशन /बिरामीलाई रिफर गर्ने बेला समन्वय नहुँदा कतिपय अवस्थामा उपचार नपाएर बिरामीको ज्यान जाने गरेको घटनाहरुप्रति सचेत बन्न आग्रह ।
४.(माननीयको मत)
राष्ट्रियसभाको शुन्य समयमा बोल्ने सांसदहरुद्वारा समसामयिक विषयमा सरकारको ध्यानाकर्षण /क्वारेन्टाइन व्यवस्थापन देखि विदेशमा रहेका नेपालीहरुको उद्धार निःशूल्क गर्न सांसद्हरुको माग ।
५.(हलो अड्काउदै कांग्रेस)
नागरिकता विधेयकबारे सहमति जुटाउन संसदीय समितिले सरकारसँग माग्यो पाँच दिनको समय/नेपाली नागरिकसँग विवाह गर्ने विदेशी महिलालाई ७ वर्षपछि मात्र अंगीकृत नागरिकता दिने प्रस्तावमा कांग्रेसको विरोध ।
६.(कांग्रेसको कसरत)
प्रमुख प्रतिपक्षी नेपाली कांग्रेसद्वारा प्रतिनिधिसभामा कोरोनाबारे ध्यानाकर्षण प्रस्ताव दर्ता /जनस्वास्थ्यमा महासंकट आउन नदिन तत्काल सदनले सरकारलाई मार्ग निर्देशन गर्न अपरिहार्य भएको भन्दै प्रस्ताव पेश ।
७.(प्रदेश सरकारको राहत)
रुकुम घटनामा ज्यान गुमाएका ६ जनाका परिवारलाई कर्णाली प्रदेश सरकारले एक/एक लाख रुपैयाँ राहत दिने / मृतकका परिवारलाई दिइएको राहतले परिवारको पीडा केही कम गर्ने प्रदेश सरकारको अपेक्षा ।
८.(दुःख साट्ने उपाय)
भोकको कारण र प्रहरी हिरासतमा मृत्यु भएका दुई जनाको परिवारलाई प्रदेश दुई सरकारले राहत स्वरूप पाँच पाँच लाख दिने/ भारतबाट नेपाल आउने क्रममा वीरेन्द्र यादवको मृत्यु र धनुषाकै प्रहरी हिरासत कक्षको शौचालयमा शम्भु सदाद्वारा आत्महत्या ।
९.(मेडिकलको मनपरी)
स्नातकोत्तर तह तेस्रो वर्ष अध्ययनरत विद्यार्थीलाई अतिरिक्त १५ लाख रुपैयाँ बुझाउन नेशनल मेडिकल कलेज वीरगञ्जको दबाब /असार ८ गतेसम्म परीक्षा फारम भर्ने समय /१५ लाख नबुझाए फारम भर्न नदिने कलेज प्रशासनले दबाब पछि विद्यार्थीद्वारा उजुरी ।
१०.(भूमि बैंकको बहस)
भूमिबैंक स्थापना गर्ने सम्बन्धमा संसदीय समितिमा छलफल सुरु/ बाँझो जग्गामा खेती गर्ने र उत्पादन वृद्धि गरी कृषिमा आत्मनिर्भर बनाउने उद्देश्यले भूमि बैंकको अवधारणा आएको प्रष्टोक्ति ।
११.(चलचित्रकर्मीको चेतावनी)
हालै सार्वजनिक २०७७/७८ को बजेटमा नेपाल चलचित्र संघ संघका कुनै पनि माग सम्बोधन नगरेको भन्दै संघद्वारा सरकारलाई सात दिने अल्टिमेटम /सात दिनभित्र माग पूरा नभए आन्दोलन गर्ने घोषणा ।
१२.(घर आउनेहरुको ओईरो)
बंगलादेशबाट १ सय ५५ जना र कुवेतबाट आममाफी पाएका १ सय ५० जना महिलाहरु काठमाण्डौ आइपुगे / बैंङ्ककबाट २ सय ५० र सिङ्गापुरबाट पनि केही नेपालीहरु स्वदेश फर्कदै /कुवेतबाट थप १५० जना भोलि बिहीबार स्वदेश फर्कने ।
१३.(कालापानीमा सेना)
प्रधानसेनापति पूर्णचन्द्र थापा र सशस्त्र प्रहरी महानिरीक्षक शैलेन्द्र खनालद्वारा कालापानी नजिकै सेनाले खडा गरेको अस्थायी क्याम्प र बीओपीको निरीक्षण/ बिओपीमा सशस्त्र प्रहरी निरीक्षक लिलिबहादुर चन्दको कमाण्डमा २५ प्रहरी खटिइदैं ।
१४.(चीनविरुद्धको मन्थन)
चीन भारत सीमामा दुई देशका सैनिकबीच हिंसात्मक झडप भएको दुई दिनपछि दुवै देशका विदेश मन्त्रीबीच टेलिफोन वार्ता /झडपमा ज्यान गुमाएका २० भारतीय सैनिकको बलिदान खेर नजाने भारतीय प्रधानमन्त्री नरेन्द्र मोदीको भनाई ।
र,
१५.(कोरोनाको क्रन्दन)
कोभिड १९ महामारी कोरोना भाइरसका कारण हालसम्म विश्वभर ४ लाख ४६ हजार बढीको मृत्यु /८२ लाख ८३ हजार बढी संक्रमित /४३ लाख ३८ हजार बढी निको भएर घर फर्किए ।
