३१ असार, विराटनगर ।
नेकपा विप्लव समुहका पूर्वी कमाण्डको सैन्य ईन्चार्ज सकेट बम र पेस्तोलसहित पक्राउ परेका छन् । कालिकोट फेनेली घर भई हाल उर्लावारी नगरपालिका ३ मंगलबारे बस्ने ४० वर्षिय जोखिम र नन्दकिशोर भन्ने नन्द बहादुर बोहोरा आफ्नै घरमा लुकीछिपी बसिरहेको अवस्थामा १ नम्बर प्रदेश प्रहरी कार्यालय विराटनगर र जिल्ला प्रहरी कार्यालय मोरङको सयुक्त प्रहरीले टोलीले मंगलबार पक्राउ गरेको हो ।
यसअघि बम विष्फोट लगायतका विभिन्न घटनामा संलग्न भएको उनीमाथि आरोप छ । मोरङ प्रहरीका प्रवत्ता डिएसपी मानबहादुर राईका अनुसार उनको साथबाट एक थान कटुवा पेस्तोल र थ्रीनटको ३ राउण्ड गोली, १ थान सकेट बम, ईलेक्ट्रिक डेटोनेटर केवल पनि बरामद गरिएको छ । त्यस्तै एनटीसीको सिम ७ थान, एनसेलको सिम २ थान, पूर्व लडाकु संघ लेखिएको स्टाम्प प्याड १ थान, रातो रंगको पेनड्राईभ १ थान बरामद् गरिएको छ । बोहरा मोरङमा घटाएको विभिन्न घटनामा संलग्न फरार प्रतिवादी रहेको उनले बताए ।
मोरङको पथरी शनिश्चरे नगरपालिका १ स्थित पुर्व पश्चिम लोकमार्गको दक्षिण साईट पानीटंकी छेउमा २०७४ चैत ११ गतेसुतली बम राखेको , २०७६ जेठ १३ गते सुन्दरहरैचा नगरपालिका ७ ठडिया स्थित दिपशिखा माछा घर अगाडी पाथिभरा टोल पुर्व–पश्चिम राजमार्ग दक्षिण किनारमा भएको बिजुलीको पोल नजिकै प्रेशर कुकर बम, वैशाख ५ गते मिक्लाजुङ्ग गाउँपालिका १ साकेलाथान स्थित किसानचौक टाडी– रमिते, आईतबारे सडकखण्डमा निर्माण कार्यमा प्रयोग भएका ३ वटा स्काभेटरमा बम बिस्फोटन गराई आगो लगाई क्षेती पु¥याएको पनि उनीमाथि अभियोग लागेको छ । यसैगरि २०७६ माघ १० गते केरावारी गाउँपालिका १० स्थित केरावारी गाउपालिकाको कार्यालयमा गत माघ १२ गते केरावारी गपा २ स्थितमा रहेको एनसेल टावरमा बम बिस्फोटन गराएको, गत भदौ ३ गते झापा बिर्तामोड नगरपालिका २ चारपाने चौक उत्तर पट्टि रहेको साहरा नेपाल बचत तथा ऋण सहकारी संस्था लिमिटेडको केन्द्रिय कार्यालय निर्माणधिन भवनको कम्पाउण्ड वाल र गार्ड रुमको बिचमा प्रेशर कुकर बम बिष्फोट गराएको पनि उनीमाथि अभियोग छ ।
यस्तै गत भदौ २० गते सुनसरी ईटहरी ९ स्थितमा रहेको सुष्मा गोदावरी स्कुलको कम्पाउण्डमा रहेको पर्खालमा अज्ञात मानिसहरुले प्रेसर कुकर बम विष्फोट गराएको, धरान उपमहानगरपालिका १९ स्थित बि.पि. कोईराला स्वास्थ्य बिज्ञान प्रतिष्ठानको घोपाको कम्पाउण्ड भित्र रहेको दिल्ली पब्लिक स्कुलको गेटमा बम बिष्फोटन गराएको र भोजपुर तथा संखुवासभा जिल्लामा हातहतियार सम्बन्धी बिभिन्न घटनामा पनि बोहराको संलग्न रहेको डिएसपी राईले बताए ।
