४ साउन, धनुषा ।
कर्तव्य ज्यान मुद्दामा ६ वर्षदेखि फरार रहेका प्रतिवादीलाई प्रहरीले पक्राउ गरेको छ ।
पर्सा वीरगन्ज महानगरपालिका १९, गहवा टोल बस्ने भारत बेतिया पश्चिम चम्पारण घर भएका ४६ वर्षीय धर्मेन्द्रप्रसाद कलवारलाई प्रहरीले पक्राउ गरेको हो ।
कलवार ०७१ वैशाख ९ गते बारा तत्कालीन विश्रामपुर गाविस ९ स्थित गहुँ खेतमा भारत रक्सौल घर भई पर्सा वीरगन्ज महानगरपालिका १९ गहवा टोल बस्ने प्रमोद साहलाई धरिलो हतियार प्रहार गरी हत्या गरी फरार थिए ।
२ नम्बर प्रदेश प्रहरी कार्यालय धनुषा जनकपुरधामबाट खटिएको प्रहरीले वीरगन्ज महानगरपालिका १९, गहवा टोलमा लुकेर बसेको अवस्थामा फेला पारी पक्राउ गरेको हो ।
