१८ साउन, एजेन्सी ।
भारतीय गृह मन्त्री अमित शाहलाई कोरोना भाइरसको सङ्क्रमण पुष्टि भएको छ ।
गृह मन्त्री शाहले आईतबार सामाजिक सञ्जाल ट्विटरमार्फत् आफूमा कोरोना लक्षण देखिएपछि जाँच गराउँदा रिपोर्ट पोजेटिभ देखिएको जानकारी गराएका हुन् ।
उनले ट्वीट गर्दै भनेका छन्–‘कोरोनाको सुरुवाती लक्षण देखिएपछि परीक्षण गराउँदा रिपोर्ट पोजेटिभ आएको छ । मेरो अवस्था सामान्य छ र डाक्टरको सल्लाहमा अस्पतालमा भर्ना हुँदैछु ।’
उनले आफ्नो सम्पर्कमा आएका व्यक्तिहरुलाई जाँच गराउन र आइसोलेसनमा बस्न पनि आग्रह गरेका छन् ।
