आजका प्रमुख खबरहरुः
१.(बढ्दै मृतक र संक्रमित)
नेपालमा हालसम्म ९५ जना कोरोना संक्रमितको मृत्यु /आज बिहीबार ५ सय २५ थपिएसंगै संक्रमितको संख्या २४ हजार ९ सय ५७ पुग्यो/१६ हजार ८ सय ३७ जना डिस्चार्ज ।
२.(आजको आँकडा)
बिहीबारसम्म पीसीआर विधिबाट ४ लाख ८३ हजार २८ जनाको कोरोना परीक्षण /देशभर १४ हजार ७ सय ५९ जना क्वारेन्टिनमा/८ हजार २५ जना आइसोलेसनमा ।
३.(प्रदेशमा उच्च संक्रमण)
विराटनगरमा आज ६० सहित प्रदेश १ मा अहिलेसम्मकै उच्च एकैदिन १ सय १५ संक्रमित थपिए /प्रदेशमा कुल संक्रमित १ हजार ६ सय २६ मध्ये १ हजार ४० निको भए /विराटनगरमा जारी लकडाउन अवधि भदौ ५ गतेसम्म थप ।
४.(प्रदेशको सहयोग)
प्रदेश १ मा पछिल्लो समय कोरोना संक्रमितको सख्या बढ्दै गएपछि प्रदेश १ सरकारद्वारा उपचारको थप व्यवस्था मिलाउन स्थानीय तह र अस्पतालहरुलाई रकम उपलब्ध /आइसोलेसन केन्द्र स्थापनाका लागि १ करोड ६० लाख उपलब्ध ।
५.(सवारी पास बन्द)
कोरोनाभाइरस संक्रमित संख्या वृद्धि भएपछि काठमाडौं भित्रिने र बाहिरिनेका लागि दिइने पास पूर्ण रूपमा बन्द/काठमाडौं जान र बाहिरिन नपाइने/अत्यावश्यक सवारी साधन र एम्बुलेन्स भने चल्न पाउने ।
६.(सहमतिको सकस)
नौ दिनपछि आज भेटवार्ता गरेका नेकपाका अध्यक्षद्वय केपी शर्मा ओली र पुष्पकमल दाहालबीच पार्टीको पछिल्लो विवाद सुल्झाउने गरी सकारात्मक छलफल /शुक्रबार पुनः बस्ने सहमति ।
७.(राष्ट्रघाती काम)
द्वन्दकालीन समयमा नापी विभागका कर्मचारीहरुले गरेको कमजोरीका कारण नेपाली भूमिमाथि भारतीय पक्षको अतिक्रमण भएको खुलासा /नेपाली पक्षले नापनक्सा गर्ने समयमा दबावमा परेर वा नियतवस कमजोरी गरेको उल्लेख ।
८.(कांग्रेसको किचलो)
असहमतिका बीच बढाईएको कांग्रेसका विभागमा रामचन्द्र पौडेल पक्षीय नेता कार्यकर्ताद्वारा बस्न अस्वीकार/गठित गरेका विभागहरूले आफ्नो जिम्मेवारीअनुसार काम गर्न समय नपाउने पनि उनीहरूको भनाइ ।
९.(समातिए तस्कर)
काठमाडौंबाट साउन १३ गते फरार भएका ‘सुन तस्कर’ इल्ताफ हुसेन अन्सारी बाराबाट पक्राउ / अन्सारीसँगै फरार रहेका भारतको गुजरातका सञ्जय पटेल भने अझै फरार ।
१०.(सस्तो ब्याजदर )
राष्ट्रिय वाणिज्य बैंकले लिने कर्जाको ब्याजदर नेपालको बैंकिङ क्षेत्रमा सबैभन्दा सस्तो ५ दशमलव ९० प्रतिशत कायम/ कोभिड १९का कारण निक्षेपमा चाप नपर्दा लगानी योग्य रकम बढेकाले निक्षेप र कर्जा दुवैमा ब्याजदर घटेको बैंकको ठहर ।
११.(न्यायले वास्तविकता देख्यो)
सरकारी स्वामित्वका पूराना सवारी साधनबारे अध्ययन समिति बनाउन सर्वोच्चको आदेश / करोडौँ मूल्यका सवारी साधन कवाडीका रुपमा फालेर बर्सेनि नयाँ किनिँदा राज्य स्रोतको दुरुपयोग भइरहेको ठहर
१२.(धितोपत्रमा बुक बिल्डिङ्ग)
नेपाल धितोपत्र बोर्डद्वारा प्रारम्भिक सार्वजनिक निष्काशन (आइपीओ)मा बुक बिल्डिङ्ग विधि लागू / सो विधि मार्फत कुनैपनि कम्पनीले सर्वसाधारणलाई मूल्य बढाबढ गरेर धितोपत्र विक्री गर्न पाउने ।
१३.(ठग्नेलाई नछाड्ने)
युएई लगायत तेस्रो मुलुकमा प्रलोभन देखाई भिजिट वा अन्य भिसामा ल्याई ठग्ने र आधिकारिक निकायबाट सत्यतथ्य नबुझी गलत सूचनाको प्रलोभनमा परि ठगिने क्रम बढ्दो /संलग्न जोकोहीलाई कारबाही गरिने नेपाली दूतावासको चेतावनी ।
१४.(बढ्यो सुन)
सुनचाँदीको भाउ आज फेरी बढ्यो /सुन प्रतितोला २ हजार ४ सयले बढेर ९७ हजार ८ सय निर्धारण /चाँदीमा प्रतितोला ८५ रुपैयाँ बढेर तोलाको एक हजार २ सय ९५ कायम ।
र,
१५.(विश्वमा आज)
कोरोना भाइरसबाट विश्वभर हालसम्म २ करोड ८ लाख बढि संक्रमित/ ७ लाख ४७ हजार बढिको मृत्यु /१ करोड ३७ लाख बढि निको भए ।
