३० साउन, काठमाडौँ ।
गृहमन्त्रालयले २ सयभन्दा बढी सक्रिय संक्रमित रहेका जिल्लामा प्रमुख जिल्ला अधिकारी नेतृत्वको जिल्ला कोभिड संकट व्यवस्थापन केन्द्रको निर्णयबाट मात्रै अत्यावश्यक सेवाका सवारीमा पास वितरण गर्न निर्देशन दिएको छ ।
सवारी पास वितरण व्यवस्थित गर्ने सम्बन्धी निर्णय २४ घन्टा नबित्दै संशोधन गर्दै गृहले यस्तो जनाएको हो । कोरोना भाइरसको जोखिम बढेको भन्दै बुधबार देशभर सवारी पास वितरणसम्बन्धी कार्य बन्द गर्न निर्देशन दिएको थियो ।
एम्बुलेन्स, सरकारी कर्मचारी लगायतको समेत आवागमन असर पुगेपछि बुधबारको निर्णय सच्याउँदै जिल्ला कोभिड संकट व्यवस्थापन केन्द्रबाट अत्यावश्यक सवारी साधनलाई पास दिने व्यवस्था गर्न निर्देशन दिइएको गृहले बिहीबार जारी विज्ञप्ति जनाईएको छ ।
गृहले अनुमतिबिनाका सवारी साधन प्रस्थान विन्दुबाटै अन्तरजिल्ला आवागमनमा रोक्न र अनुमति पाएको सवारीको हकमा पास पछाडि प्रस्थान विन्दुबाट छाप लगाउन निर्देशन दिएको छ ।
