विराटनगर, बैशाख १३ ःमोरङको विराटनगर महानगरपालिका ४ बाट लागुऔषध र हतियारसहित सात जना भारतीय नागरिक पक्राउ परेका छन।
तीनवटा माेटरसाइकलमा शंकास्पद अबस्थामा राती ८ः३० बजे नाेबेल मेडिकल कलेज अगाडी घुमफिर गरिरहेकाे अबस्थामा तीनीहरू लार्इ माेरङ प्रहरी कार्यालयबाट खटिएकाे टाेलीले पक्राउ गरेकाे हाे ।
भारतीय नम्बर प्लेटकाे माेटरसाइकलमा रहेका ती ब्यक्तिबाट ठुलो परिमाणमा लागुऔषध र एक थान अटोमेटिक पेस्तोल बरामद गरिएकाे प्रहरीले जनाएकाे छ ।
पक्राउ परेका सात जनालार्इ जिल्ला प्रहरी कार्यालय माेरङले बुधबार सार्वजनिक गरेकाे छ ।
पक्राउ पर्नेमा भारत विहार अररिया जिल्ला बथनाहा ४ बस्ने बर्ष २४ को रोहित कुमार शर्मा, भारत विहार अररिया जिल्ला फारबिसगंज २ बस्ने बर्ष ३० को प्रमोद भन्ने बिनोद यादव, भारत विहार अररिया जिल्ला मिल्की डुमरीया ९ बस्ने बर्ष १८ को राजा कुमार यादव, भारत विहार अररिया जिल्ला मिल्की डुमरीया ९ बस्ने बर्ष २२ की निलम देवी यादव, भारत बिहार अररीया जिल्ला सिमराहा बस्ने बर्ष २६ को प्रकाश कुमार दास, भारत विहार अररिया जिल्ला रानीगंज बस्ने बर्ष ३३ को रन्जित कुमार शर्मा, र भारत विहार अररीया जिल्ला बरारभतनाजा ७ बस्ने बर्ष ४० को सुरज नारायण यादव रहेका छन्।
उनीहरुको साथबाट लागुऔषध एभिल १७७५ एम्पुल, डाईजेल्याब ५०० एम्पुल, स्पास्मोप्रोक्सिभन क्याप्सुल १७७६ चक्की, नाइट्रोसन ट्याब्लेट ७२५ चक्की, लुपीजेसीक ५२५ एम्पुल, फेनारागन १२५ एम्पुल, डाइलेक्स डिसी १३ बोतल बरामद भएको छ।
त्यस्तै उनीहरुको शरिर खानतलासी गर्नेक्रममा BR-38-F-1228 नम्बरको मोटरसाइकलमा सवार रहेका भारत विहार अररिया जिल्ला फारबिसगंज २ बस्ने बर्ष ३० को प्रमोद भन्ने बिनोद यादवले कम्मरको बाँयापट्टी लुकाइ राखेको अवस्थामा Made in USA लेखिएको एक थान अटोमेटीक पेस्तोल, सोही पेस्तोमा प्रयोग हुने म्याग्जिन एक थान र म्याग्जिन भित्र ६ राउण्ड गोली बरामद भएको प्रहरीले जनाएको छ।
प्रहरीले उनीहरु सवार रहेका BR-38-F-1228, BR-38-H-4050 र BR-38-D-5226 नम्बरको तीन वटा मोटरसाइकल, साथमा भएको सामसुङ कम्पनीको मोवाईल ४ थान, Itel कम्पनीको मोवाईल १ थान, माईक्रोम्याक्स कम्पनीको मोबाईल १ थान र नेपाली ८१ हजार रुपैया समेत बरामद गरेको छ।
पक्राउ परेका व्यक्तिहरुलाई बुधबार लागुऔषध तथा हातहतियार खरखजना ऐन अन्तरगत म्याद थप गरी अनुसन्धान भई रहेको जिल्ला प्रहरी कार्यालय मोरङले जनाएको छ।
