३२ साउन, उदयपुर । उदयपुरको कटारी नगरपालिकामा आजदेखि अनिश्चितकालीन लकडाउन लागु गरिएको छ ।
आज दिउँसो १ बजेदेखि अनिश्चितकालका लागि लकडाउन लागु गरिएको हो ।
स्वास्थ्य सेवा र औषधि पसलबाहेक अन्य कुनै व्यवसाय सञ्चालन गर्न रोक लगाइएको मेयर ज्ञानेन्द्र श्रेष्ठले बताए ।
आज बिहान बसेको बैठकले कोरोनाभाइरस संक्रमण समुदायस्तरमै फैलिएको भन्दै लकडाउन गर्ने निर्णय गरेको हो ।
निजी सवारी साधन प्रयोग र हिडडुलमा समेत रोक लगाइएको उनले जानकारी दिए।
