योगेन्द्र योगी
१० भदौ, दोहा ।
कोरोना महामारीका कारण समस्यामा परेका नेपालीहरुलाई स्वदेश फर्काउन कुवेतबाट पछिल्लो चरणमा २ वटा उडान तय भएको कुवेतस्थित नेपाली दूतावासले जनाएको छ ।
दूतावासका अनुसार अगष्ट २८ र ३१ तारिखमा नेपाल एयरलाइन्सले उडान भर्ने जनाएको छ । अगष्ट २३ मा टिकट लिएका यात्रुको स्वदेश फिर्तीका लागि नेपाल एयरलाइन्सले अगष्ट २८ मा उडान भर्ने भएको छ । अगष्ट २८ मा यात्रा गर्नका लागि आफ्नो टिकट र होटल बुकिङ्ग पुनः प्रमाणित गर्न दूतावासले अनुरोध गरेको छ ।
अगष्ट २३ को उडान रद्द भएका कारण त्यस उडानमार्फत नेपाल फर्कने टिकट लिएका यात्रुले आज होटल र आफूसँग भएको टिकट आफ्नो प्रतिनिधिमार्फत पुनः प्रमाणिकरण गर्न समेत दूतावासले जनाएको छ ।
नेपाल सरकारले तोके अनुसार नेपालमा पुगेपछि अनिवार्य अनिवार्य सात दिन सम्म होटल क्वारेन्टाइनमा बस्नुपर्ने र त्यसको खर्च आफैले तिर्ने प्रतिवदता समेत टिकट खरिद गर्दाको अवस्थामै गर्नुपर्ने दूतावासले जनाएको छ ।
