११ आश्विन, एजेन्सी ।
बलिउड लागुऔषध मुद्दाको जाँच गरिरहेको एनसीबीले बलिउड अभिनेत्री दीपिका पदुकोण, सारा अली खान र श्रद्धा कपुरसँग लामो समयसम्म सोधपुछ गरेको छ ।
सोधपुछपश्चात शनिबार एनसीबीले तीनैजना अभिनेत्रीको मोबाइल फोन नियन्त्रणमा लिएको छ । उनीहरुका साथै एनसीबीले फेसन डिजाइनर सिमाने खंबाटा र दीपिकाकी म्यानेजर करिश्मा प्रकाशको पनि फोन कब्जामा लिएको छ । एनसीबीले कब्जामा लिएको सबै फोनका डाटा रिकभर गरिनेछ ।
एनसीबीले दीपिकासँग साढे ५ घण्टा सोधपुछ गरेको थियो । सोधपुछमा दीपिकाले २०१७ को अक्टोबरमा आफ्नी म्यानेजर करिश्मा प्रकाशसँग च्याट गरेको स्विकारेकी छिन्, यद्यपि उनले लागुऔषध सेवन, खरिद–बिक्रीमा भने संलग्न नभएको बताएकी छिन् । भने चुरोट भने सेवन गर्ने गरेको स्विकारिन् ।
यस्तै एनसीबीले सारा अली खानसँग चार घण्टा सोधपुछ गरेको थियो । साराले लागुऔषध कहिल्यै नलिएको तर चुरोट भने तान्ने गरेको स्विकारेकी छिन् । अभिनेत्री श्रद्धा कपुरले पनि लागुऔषध प्रयोग गर्ने कुरालाई नकारेकी छिन् ।
