आजका प्रमुख खबरहरुः
१.(फैलिदै संक्रमण)
नेपालमा हालसम्म ५ सय ७८ जना कोरोना संक्रमितको मृत्यु /आजै हालसम्मकै उच्च ३४ सय ३९ संक्रमित थपिँदा ११ सय २६ जना डिस्चार्ज /सक्रिय संक्रमितको संख्या २५ हजार नाघ्यो ।
२.(भनेको मानौं)
काठमाडौं उपत्यकामा कोरोना संक्रमणको जोखिम बढ्दै गएकाले उच्च सतर्कता अपनाउन सरकारद्वारा अपिल /सुरक्षा संवेदनशिलतालाई ध्यानमा राख्दै दशैं तिहार जस्ता पर्वमा काठमाडौं छाडेर जाने–आउने नगर्न आग्रह ।
३.(परीक्षाको अनुमति)
सबै शैक्षिक संस्थासहित विभिन्न आयोग, प्रतिष्ठानलाई परीक्षा सञ्चालन गर्न सक्ने गरी सरकारको अनुमति /२५ जनाभन्दा कम मानिस सहभागी गराएर छोटो समयका लागि तालिम पनि लिन सक्ने ।
४.(प्रतिपक्षीको प्रहार)
अनशनरत चिकित्सक डा. गोविन्द केसीसँग छलफल गर्नका लागि प्रधानमन्त्री केपी शर्मा ओलीले वार्ता टोलीसम्म गठन नगरेर बालहठ देखाएको कांग्रेसको आरोप /२३ दिनदेखि अनसनरत केसीका माग पूरा गर्न ढिलाइ गरेमा गम्भीर भूल हुने चेतावनी ।
५.(मानवअधिकारले जो देख्यो)
डा. गोविन्द केसीको स्वास्थ्य अवस्था चिन्ताजनक बन्दै गएको भन्दै यसअघिका सम्झौताहरु कार्यान्वयनको स्थिति सार्वजनिक गर्न मानव अधिकार आयोगको निर्देशन /आयोगको अनुगमनमा डा. केसीको स्वास्थ्य अवस्थाबारे सरकारले चासोका साथ नहेरेको देखियो ।
६.(सर्वाेच्चको नजर)
तनहुँ जिल्लाको भानु नगरपालिकाको केन्द्र अहिले कायम रहेको स्थानबाट तत्काल अन्यत्र नसार्न सर्वोच्च अदालतको अन्तरिम आदेश /अहिले कायम रहेको वडा नम्बर २ बाट अन्यत्र सार्ने चलखेल भएको भन्दै परेको रिटमाथि सुनुवाई गर्दै नसार्न सर्वोच्चको निर्देशन ।
७.(राप्रपालाई बैधानिकता)
पार्टी एकीकरण गरेको लामो समयपछि राप्रपा र राप्रपा संयुक्तको एकीकरणलाई निर्वाचन आयोगले दियो वैधानिकता /अब राप्रपाको झण्डामा ‘गाई’ र चुनाव चिन्ह ‘हलो’ रहने ।
८.(खुल्दैछन् मन्दिर)
आगामी कात्तिक १ गतेदेखि नेपालभरका धार्मिक स्थलहरुको भ्रमण तथा अवलोकन खुला गर्न मन्त्रिपरिषदमा प्रस्ताव लैजाने पर्यटनमन्त्री योगेशकुमार भट्टराईको भनाई /१ गतेदेखि विराटनगरबाट पूर्वी पहाडका क्षेत्रहरुमा नेपाल एअरलाइन्सले उडान सुरु गर्ने ।
९.(कार्यान्वयन कहिले ?)
सहकारी क्षेत्रको विकासका लागि २५ वर्षे रणनीतिक योजना तयार गरी राष्ट्रिय सहकारी विकास बोर्डद्वारा मन्त्रालयमा पेश /सहकारी संस्थाको विद्यमान अवस्था, सहकारीका सवल पक्ष तथा सम्भावनाहरु समावेस गरेर रणनीति तयार ।
१०.(उजुरी छन् कि ?)
अमेरिका, बेलायत र दक्षिण अफ्रिकाका लागि प्रस्तावित राजदूतहरुको सुनुवाई प्रकृया सुरु / प्रस्तावित राजदूतहरु विरुद्ध संसदीय समितिद्वारा १० दिने उजुरी आह्वान ।
११.(गुरुयोजनाविरुद्ध मानवसाङ्लो)
पशुपति क्षेत्र विकास गुरुयोजनाको विरोध गर्दै स्थानीय बासिन्दाद्वारा विरोध स्वरुप विकास कोषको कार्यालयलाई मानवसाङ्लो बनाई घेराउ /परापूर्वकालदेखिको वस्ती मास्ने र स्थानीय संस्कृति तथा जात्राको विनास गर्ने गरि गुरुयोजना ल्याइएको भन्दै खारेज गर्न माग ।
१२.(हिमाल मोह)
मनास्लु हिमाल आरोहणका लागि आएका बहराइनमा राजकुमार खलिफासहितको टोली आधारशिविर तर्फ लाग्यो /लोबुचे हिमाल आरोहण गरिसकेको टोली स्थानीयको स्वागतपछि हर्षित ।
१३.(कहाँ गए उपभोक्ता ?)
चाडपर्व नजिकिँदै गर्दा काठमाडौंका मुख्य व्यापारिक क्षेत्र सुनसान /कोभिडका कारण उपभोक्ता नभएपछि व्यापारिक क्षेत्र सुनसान हुदा यसको असर समग्र अर्थतन्त्रमा समेत पर्नसक्ने ।
१४.(रियालाई राहत)
लागूऔषध मुद्दाको अनुसन्धानका लागि एक महिनादेखि न्यायिक हिरासतमा रहेकी बलिउड अभिनेत्री रिया चक्रवर्तीसहित दिपेश सावन्त र स्यामुएल मिरान्डलाई जमानतमा रिहा गर्न उच्च अदालतको आदेश / रियाका भाइको जमानत भने खारेज ।
र,
१५.(विश्वलाई नियाल्दा)
विश्वभर हालसम्म कोरोना संक्रमित हुनेहरुको संख्या ३ करोड ६० लाख बढी पुग्दा २ करोड ७१ लाख बढी उपचारपछि निको भए /अहिलेसम्म १० लाख ५५ हजार बढीको मृत्यु ।
