२० साउन, काठमाडौँ ।
नेपाली क्रिकेट टोलीका पूर्व कप्तान पारस खड्काले क्रिकेट एकेडेमी सञ्चालन गर्ने भएका छन् । अन्तर्राष्ट्रिय क्रिकेटबाट सन्न्यास लिएका पारसले आगामी दिनमा आफूले एकेडेमी सञ्चालन गर्ने बताएका हुन् ।
सन्यासपछि बुधबार पत्रकार सम्मेलन गर्दै पारसले अब एक दुई महिनामै एक क्रिकेट एकेडेमी सञ्चालन गर्ने जानकारी दिए ।
उनले भने, ‘क्रिकेट एकेडेमी सञ्चालन गर्ने छु । त्यसलाई नेपालभर लगेर जाने योजना छ । एक दुई महिनापछि लन्च (सार्वजनिक) गर्ने छु । एकेडेमी राम्रोसँग सञ्चालन गर्यौ भन्ने सोच छ ।’
