१६ फागुन, काठमाडौँ ।
अनमोल केसी र सुहाना थापाको मुख्य भूमिका रहने चलचित्र ‘ए मेरो हजुर ४’ को मुहूर्त गरिएको छ । अनमोल र सुहानासँगै अभिनेता सलोन बस्नेत, निर्देशक झरना थापा, छायाकार सञ्जय लामा लगायतको उपस्थितीमा चलचित्रको शुक्रबार कार्य विनायक मन्दिरमा मुहूर्त गरिएको हो ।
सुनिल कुमार थापा प्रोडक्सन र सुहाना इन्टरटेनमेन्टको ब्यानरमा बन्न लागेको चलचित्र आगामी दसैँमा प्रदर्शनमा ल्याउने भनिएको छ । मुहूर्तसँगै चलचित्रको छायाङ्कन पनि सुरु भएको छ । शुक्रबार काठमाडौँमा केही सट लिएर निर्माण टिम आजै पोखरा तर्फ लागेको छ । चलचित्र पोखरामा १० दिन, काठमाडौँ र ललितपुरमा गाह्रो करिब ३० दिन लगाएर छायाङ्कन गरिने जनाईएको छ । साथै युरोप र ओमानमा गीत खिच्ने तयारी निर्देशक थापाको छ ।
दसैँको फूलपातीलाई प्रदर्शन मिति तोकिएको छ भने दीपक–दीपाको ‘छक्का पन्जा ४’ले पनि यही मिति ताकेको छ ।
