इंग्लिस प्रिमियर लिगः च्याम्पियन लिभरपुल म्यान्चेस्टर सिटीसंग ४–० ले पराजित

0SHARES

१९ असार २०७७ नेपाल टाईम्स

१९ असार, काठमाडौं । इंग्लिस प्रिमियर लिग फुटबल च्याम्पियन लिभरपुललाई म्यान्चेस्टर सिटीले ४–० ले हराएको छ ।

गएराति आफ्नै मैदानमा भएको खेलमा सिटीलाई विजयी गराउन केभिन डि ब्रायन, रहिम स्टर्लिङ र फिल फोडेनले एक एक गोल गरे ।

सिटीले अर्को एक गोल भने लिरभपुलका अक्सलेड चेम्बरलीनबाट आत्मघाती स्वरुप उपहार पाएको थियो । प्रिमियर लिगकै अर्को खेलमा सेफिल्ड युनाइटेडले टोटनह्याम हट्सपरलाई ३–१ ले पराजित ग¥यो ।

गएरातिका खेलहरुसँगै म्यान्चेस्टर सिटीले दोस्रो स्थानको पकड बलियो पारेको छ । लिग च्याम्पियन लिभरपुलको ३२ खेलबाट ८६ अंक छ । समान खेलबाट सिटीको ६६ अंक भएको छ भने तेस्रो स्थानको लेष्टर सिटीको ५५ तथा चौथो स्थानको चेल्सीको ५४ अंक छ ।

विज्ञापन बक्स