इटालियन ’सिरी ए’: उपाधि जितिसकेको युभेन्टस क्याग्लिरीसँग पराजित

0SHARES

१५ श्रावण २०७७ नेपाल टाईम्स

१५ साउन, एजेन्सी । इटालियन ’सिरी ए’ को उपाधि जितिसकेको युभेन्टस क्याग्लिरीसँग पराजित भएको छ ।

एक खेल अगाडि उड्सिनीसँग हारेको युभेन्टस फेरि क्याग्लिरीसँग पराजित भएको छ । घरेलु मैदानमा भएको खेलमा काग्लिरीको जितमा लुका गाग्लियानो र सिमोनले एक एक गोल गरे ।

खेलको आठौं मिनेटमा नै मेटिलीको पासमा लुकाले गोल गर्दै टिमलाई अग्रता दिलाए । त्यसपछि पहिलो हाफका अन्तिममा सिमोनले गोल गरेपछि युभेन्टस २-० ले पछि पर्यो ।

दोस्रो हाफमा युभेन्टसले खेलमा फर्किनका लागि निकै प्रयास र दबाव दिएको थियो । तर उसले काग्लिनीको डिफेन्सको फाइदा उठाउन सकेन । जसका कारण युभेन्टसले जारी सिजनमा छैटौं हार ब्यहोर्यो ।

अब ’सिरी ए’ को अन्तिम चरणका खेलहरु बाँकी रहेका छन । यो हारपछि पनि युभेन्टस दोस्रो स्थानको इन्टर मिलान भन्दा चार अङ्कले अगाडि रहेको छ ।

Facebook Comments

विज्ञापन बक्स