ट्याक्टर र मोटरसाइकल जुध्दा अमीनको मृत्यु

0SHARES

३१ जेष्ठ २०७५ नेपाल टाईम्स

विराटनगर,जेठ ३१
सुनसरीको धरानमा ट्याक्टर र मोटरसाइकल ठोक्किंदा नापी कार्यालयका एक जना अमीनको मृत्यु भएको छ।

मृत्यु हुनेमा दाङ जिल्ला तुलसीपुर–११ घर भई धरानस्थित नापी कार्यालयमा कार्यरत ३२ वर्षीय गुमानसिंह बस्नेत रहेका छन् ।

बुधबार साँझ ८ बजेतिर धरान–१२ छाता चौकमा बस्नेत सवार लु ३० प ३१०० नम्बरको मोटरसाइकल को २ त ५१४० नम्बरको ट्याक्टरसंग ठोक्किएको थियो।

दुर्घटनामा गम्भीर घाइते बस्नेतको उपचारका क्रममा विपी कोइराला स्वास्थ्य विज्ञान प्रतिष्ठान धरानमा राती १२ बजे मृत्यु भएको इलाका प्रहरी कार्यालय धरानले जनाएको छ।

ट्याक्टरका चालकलाई प्रहरीले अनुसन्धानका लागी नियन्त्रणमा लिएको छ।

विज्ञापन बक्स