नेपालले यूएईसँग दोस्रो टी–ट्वान्टी खेल्दै

0SHARES

१८ माघ २०७५ नेपाल टाईम्स

एजेन्सी, माघ १८
टी–ट्वान्टी अन्तर्राष्ट्रिय क्रिकेट सिरिजअन्तर्गत आज नेपालले घरेलु टोली यूएईसँग दोस्रो खेल खेल्दैछ । तीन खेलको टी–ट्वान्टी सिरिज अन्तर्गत नेपालले दोस्रो खेलमा आज युएईसँग प्रतिस्पर्धा गर्न लागेको हो ।

पहिलो खेलमा यूएईसँग २१ रनले पराजित भएको नेपाललाई आजको खेलमा जित्नै पर्ने दबाव छ । नेपाल र यूएईबीचको खेल आईसीसी क्रिकेट एकेडेमीमा नेपाली समयअनुसार दिउँसो २ बजेर ४५ मिनेटमा सुरु हुनेछ ।

तीन खेलको एकदिवसीय अन्तर्राष्ट्रिय क्रिकेट सिरिजमा यूएईलाई २–१ ले पराजित गरेको नेपाल टी–ट्वान्टी क्रिकेट सिरिजमा भने १–० ले पछि परेको छ । हिजो भएको खेलमा यूएईले निर्धारित २० ओभरमा ६ विकेटको क्षतिमा १५३ रन बनाएपछि नेपालले १५४ रनको लक्ष्य पाएको थियो । जवाफी ब्याटिङ थालेको नेपालले निर्धारित २० ओभरमा सात विकेटको क्षतिमा १३२ रन मात्रै बनाउन सक्यो ।

विज्ञापन बक्स