प्रचण्डले भने – ‘मलाई बम हान्नेलाई गृहमन्त्री बनाएर गल्ती गरेँ’

421SHARES

२४ चैत, रुकुम पश्चिम । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले आफूलाई बम हान्नेलाई मन्त्री बनाएर गल्ती गरेको बताएका छन् ।

३२ औँ जनआन्दोलन दिवसको अवसरमा नेकपा (माओवादी केन्द्र)ले मंगलबार रुकुम पश्चिममा आयोजना गरेको कार्यक्रममा प्रचण्डले नाम नलिई रामबहादुर थापा बादललाई गृहमन्त्री बनाएको भन्दै गल्ती गरेको बताएका छन् । उनले भने, ‘मलाई गद्दार भन्नेहरूलाई पनि गल्ती स्वीकार गर्दै आएपछि मैले विश्वास गरेँ, संविधानसभाको निर्वाचन २०७० सालमा मलाई बम प्रहार गर्नेलाई गृहमन्त्री बनाएर, शायद मैले गल्ती गरेँ ।’ उनले आफूलाई कहाँ बम प्रहार गरियो भनेर भने खुलाएनन् ।

उनले आफूले जीवनभर पार्टीका लागि संघर्ष गरेकालाई उपेक्षा गरेकोमा समेत आत्मालोचना गरेका छन् । प्रचण्डले भने, ‘आगामी दिनमा हिजो युद्ध र आन्दोलनमा इमानदारीसाथ लडेका जनता र कार्यकर्तालाई अगाडि बढाउने संकल्प गर्न चाहन्छु ।’

छुटाउनुभयो कि?

सम्पूर्ण