महानगरको सचेतनामुलक ‘कचहरी’ नाटकको समापन

0SHARES

१९ आश्विन २०७५ नेपाल टाईम्स

विराटनगर,असोज १९
विराटनगर महानगरपालिकाको आर्थिक सहयोगमा विभिन्न ३ विधामा प्रर्दशन गरिएको सचेतनामुलक नाटकको प्रर्दशनी शुक्रबारबाट सकिएको छ ।

महानगरका १९ वटै वडामा देखाइएको नाटक १४ दिनेसम्म चलेको थियो । नाटक समापनको दिन विराटनगर महानगरपालिकाकी उपप्रमुख इन्दिरा कार्कीसहित विराटनगर महानगरका विभिन्न वडाका वडाध्यक्षहरु समेत सहभागी थिए ।

आरोहण गुरुकुल विराटनगरका कलाकारहरुको सहभागितामा असोज ६ गतेबाट शुरु भएको सडक नाटकमा महिला हिंसा,ट्राफिक सचेतना र फोहोर ब्यवस्थापन सम्बन्धि सचेतनामुलक नाटक प्रर्दशन गरिएको लेखक÷निर्देशक एवम कलाकार अशोक गौतमले जानकारी दिए ।

विभिन्न ३ विधामा प्रर्दशन गरिएको नाटकहरुमा महिला हिंसा सम्बन्धि नाटकको लेखन/निर्देशन अशोक गौतम र भरत कार्कीले गरेका थिए ।

यस्तै फोहोर ब्यवस्थापन सम्बन्धि नाटकको दिपा पोखरेल र मनिसा बराल तथा ट्राफिक ब्यवस्थापन सम्बन्धि नाटकको बिकास पराजुली र राजेश ठाकुरले लेखन/निर्देशन गरेका थिए ।

नाटकहरुमा भरत कार्की,विकास पराजुली,अशोक गौतम लगायत ११ जना कलाकारले अभियन गरेका थिए ।

विज्ञापन बक्स