२१ असार, एजेन्सी । सोमालियामा श्रृंखलाबद्ध बम बिस्फोटमा परी ६ जनाको मृत्यु भएको छ । मारिनेमा दुई जना प्रहरी अधिकृत पनि रहेका छन् ।
सोमालियाको बैदवा र मोगादिशुमा छुट्टाछुट्टै भएको बिस्फोटमा ७ जना घाइते भएका छन् । बैदवामा कर संकलन गरिरहेकाहरुमाथि लक्षित गरी बिस्फोट गराईएको हो भने मोगादिशुमा बिस्फोटक पदार्थ सहित प्रवेश गरेको कारमा आत्मघाती बिस्फोट भएको हो ।
कार चालकले मोगादिशुमा रहेको प्रहरी चौकीमा प्रवेश गर्ने क्रममा प्रहरीले रोक्न खोज्दा बिस्फोट गराएको थियो । बिस्फोटका कारण कयौं घरहरुमा क्षति पुगेको छ भने थुप्रै सवारीसाधन ध्वस्त भएका छन् ।
