हातेमालोको सरसफाई अभियान ५० औँ हप्तामा, विराटनगर बसपार्कमा लगाईयो झाडु

0SHARES

४ फाल्गुन २०७५ नेपाल टाईम्स

विराटनगर, फागुन ४
सामाजिक संस्था परिवर्तनका लागि हातेमालोले सरसफाईको ५० औँ हप्ता पनि बृहत सरसफाई कार्यक्रम गरेको छ । साप्ताहिक रुपमा विराटनगर क्षेत्रमा सरसफाई कार्यक्रम गर्दै आएको सो संस्थाले ५० औं हप्तामा शनिबार विराटनगर बसपार्कमा सरसफाई तथा जनचेतनामुलक कार्यक्रम गरेको छ ।

सरसफाई कार्यक्रममा नेपाल यातायात स्वतन्त्र मजदुर संगठन विराटनगर महानगरपालिका कमिटी, टोल बिकास समिति, ट्राफिक प्रहरी, नेपाल प्रहरी, नेपाल ट्रेड युनियन महासंघ,जिफण्ड लगायत विभिन्न संघ संस्थाको बृहत उपस्थिति रहेको संस्थाका अभियान्ता जगत गिरीले बताए ।

 

कार्यक्रममा बोल्दै जिल्ला प्रहरी कार्यालय मोरङका प्रमुख प्रहरी नायब उपरिक्षक मनोज केसीले सरसफाईका लागि ब्यक्ति आफु सजग हुनुपर्ने बताउँदै आफु सजग नभएसम्म अभियानले मात्र केही नहुने बताए ।प्रदेश १ का १४ वटै जिल्लाका बसपार्कहरुमा आज सरसफाई गरिएको उनले जानकारी दिए ।

त्यस्तै संस्थाका अध्यक्ष विनोद परियारले विराटनगरलाई माक्सरहित र सुन्दर बनाउने अभियानमा आफुहरु रहेको बताउँदै उद्देश्य पूरा नभएसम्म अभियान सञ्चालन गरिरहने बताए ।उनले आउने दिनमा विभिन्न तरिकाले आम मानिसलाई सजग बनाउँदै देश भरिनैे यस संस्थालाई विस्तार गरिने जानकरी दिए । समाज र टोलबाट सुरु गरिएको सो सरसफाई अभियान देशैभर सञ्चालन गरी देशलाई नै स्वच्छ र सफा बनाउने उनको भनाई छ ।

हातेमालोले समाज परिवर्तन तपाई हाम्रो अभियान भन्ने मुल नाराका साथ विगत ४९ औ हप्ता देखि प्रत्येक हप्ता सरसफाई, जेब्रो क्रसिङ, वृक्षारोपण, डस्टविन वितरण लगायत अन्य विभिन्न जनचेतनामुलक कार्यक्रम गर्दै आएको छ । संस्थाले बुढीगंगा गाउँपालिका ,कटहरी गाउँपालिकामा संगठन समेत बिस्तार गरी नियमित सरसफाई तथा जनचेतनामुलक कार्यक्रम गर्दै आएको छ ।

विज्ञापन बक्स