विराटनगर, जेठ ४
नेपाली कांग्रेसका सभापति शेरवहादुर देउवाले पार्टीभित्र अन्तघात गरी आफनकै साथीलाई हराउनेलाई कारवाही गर्ने चेतावनी दिएका छन् । उनले पार्टी भित्र अन्तघात गर्नेलाई कार्वाही नगरेसम्म पार्टी मजबुत हुन नसक्ने पनि बताए ।
कृष्णप्रसाद कोइराला स्मृति परिषद्ले विराटनगरमा शनिवार आयोजना गरेको कार्यक्रमलाई सम्बोधन गदै सभापति देउवाले भने‘पार्टी भित्र आफनै साथीलाई हराएर बहादुर ठान्नेहरु छन् , पार्टी भित्र अन्तघात गर्नेमाथि कार्वाही गर्छु’। पार्टी नै छाडेपनि छाडोस्,भोली सबैलाई हराउँछ । पूर्व प्रधानमन्त्री समेत रहेका देउवाले पार्टी भित्र आन्तरिक प्रजातन्त्र आवश्यक रहेपनि पार्टीलाई नै समाप्त पार्ने गरी चलखेल गर्न कसैलाई छुट दिन नहुने बताए । सभापति देउवाले पार्टी भित्र डिसिप्लिन हराउदै गएकाले हिजोको दिनमा पनि पार्टी सभापति गिरीजाप्रसाद कोइराला,शुशील कोइरालाले हार्नु परेको स्मरण गराए ।
उनले पार्टी भित्र देखिएको हिजोको रोग आजपनि उत्तिकै रहेकोले आफनै साथीलाई हराउदा बहादुर ठान्नेहरुलार्ई लाज पनि नलागेको बताए । देउवाले हिजोको दिनमा पार्टी भित्र बोल्नै डराउने दिन रहेपनि अहिले भने पार्टी भित्रपनि प्रजातन्त्र आएकाले सबैले बोल्न सक्ने भएको बताए । उनले संघीय चुनाबमा तत्कालीन एमाले र माओवादी मिलेकाले कांग्रेसले हारेको भन्दै यसमा आफु दोषी नभएको पनि बताए ।
